Ombia o fijaleagneo vaho ho afake?

INOGNE TY RAHA REHAFE TY BAIBOLY?

“Hofafan’e [Andrianagnahare] ze ranomaso amy ty maso iareo, fa tsy hisy sasa ty fate , ty fahaferenaigne ndra ty toreo ndra ty fangirifiriagne.”—Apokalypsy 21:3, 4, Fandikan-tenin’ny Tontolo Vaovao.

HANAO AKORE TY FIAIGNAGNE?

Izay ty mahavy antikagne hatoky fa tsy boake aman’Andrianagnahare o raha mahaoreo.—Jakoba 1:13.

Mahafale antikagne ty mahafantatse fa miharo haoreagne amantikagne ty Andrianagnahare.—Zakaria 2:8.

Mitamà tikagne fa ho foagne o fijaleagneo.—Salamo 37:9-11.

MAREGNE VAO ZE RAHA REHAFE O BAIBOLIO?

Eka, intoagne misy anto’e roe:

• Hejen’Andrianagnahare o fijaleagneo naho o fifampigegeagneo. Nanao akore ty Jehovah Andrianagnahare naho fa nisy nampijale aze ty mpanompo’e taloha? Mirehake ty Baiboly fa nikoretse ty arofo’e naho fa nahavazoho i ndaty “nampijale” aze rey.—Mpitsara 2:18.

  Vignetse amy ze mampijale ty ndaty ila’e ty Andrianagnahare. Mirehake zao ty Baiboly fa tsy tea’e ty “tagnagne mampitè lio ze maren-tane.”—Ohabolana 6:16, 17.

• Mikarakara antikagne ty Andrianagnahare. Ze kila ndaty sambe mahafantatse ty raha mampijale aze, le i Jehovah ka mahafantatse ty fijalea o ndatio.—2 Tantara 6:29, 30.

  Fa marine ty hampiasà i Jehovah i Fanjaka’ey hagnafake o fijaleagneo. (Matio 6:9, 10) Fa mampionogne ze ndaty te hilongo ama’e ty Jehovah amy hinaneke zao.—Asan’ny Apostoly 17:27; 2 Korintianina 1:3, 4.