LESOGNE 05
Hafatse Boake Aman’Andrianagnahare ho Antikagne ty Baiboly
Fagnomezagne tena fanjaka boake aman’Andrianagnahare ty Baiboly. Misy boke 66 ty Baiboly. Va’e hirehake rehe tie: ‘Boake aia o Baibolio? Ia ty nampanoratse aze?’ Mba hamaleagne ireo, le hodinehentikagne tie, akore ty nataon’Andrianagnahare mba hampahafantaragne antikagne ty heve’e amy Baiboly ao.
1. Nagnino ro rehafegne tie heven’Andrianagnahare ty amy Baiboly ao, ie amy izao ndaty ty nanoratse aze?
Lahilahy 40 eo ho eo ty nanoratse o Baibolio tagnate ty 1600 taogne. Nanomboke tamy ty taogne 1513 T.K. zay, hatrake amy ty taogne 98 tagne ho agne. Sambe hafa ty fotoagne naho ty fari-piaigna o lahilahy rehoe, faie mifagnarake soa ty raha nisorate iareo. Ty anto’e, Andrianagnahare ty nampanoratse aze. (Vakio ty 1 Tesalonianina 2:13.) Hevetse “boake aman’Andrianagnahare, arake ze nitariha i fagnahy masigney”a iareo areke ty sinora iareo. (2 Petera 1:21) Nampiasa ty fagnahi’e masigne ty Andrianagnahare naho fa nampanoratse ty vetsevetse’e o lahilahy rehoe.—2 Timoty 3:16.
2. Ia iaby ty mandrambe soa amo o Baibolio?
Afake mandrambe soa boake amy ty talily soa amy Baiboly ao “ty firenena iaby naho ty foko vaho ty ndaty sambe hafa firehake.” (Vakio ty Apokalypsy 14:6.) Adika amy ty firehake maro areke o Baibolio ty amy izao fa tsy mitovy amy ty boke hafa. Afake mamaky Baiboly amy ty fireha’e ty ankamaroa o ndatio ndra aia ndra aia ty misy aze sady ndra inogn’ino ty fireha’e.
3. Akore ty niarova i Jehovah o Baibolio ndra tie maro ty te hamoagne aze?
Nisorategne tamy ty raha mora simba o Baibolio. Agnisa izay ohatse o holim-bibio ndra ty tahon-katae atao tihoe vinda namboaragne taratasy papyrus. Faie nisy lahilahy tea o Baibolio nagneregne nandika aze sady nitao soa naho fa nanao izay. Ndra tie nanao ty hamoagnagne o Baibolio aza o manam-pahefàgneo, le vognogne hamoe ty fiai’e o ndaty rehoe mba hiarovagne aze. Tsisy raha enga i Jehovah hikalagne antikagne tsy hanagne Baiboly. Hoe ty Baiboly: ‘Maharetse nainai’e i Saontsin’Andrianagnaharentikagney.’—Isaia 40:8.
ANDAO HANDINEKE TY PITSOPITSO’E
Hodinehentikagne ato ty nataon’Andrianagnahare naho fa nampanoratse i lahilahy rey o Baibolio, naho ty fomba niarova’e aze vaho ty natao’e mba hahavy ze kila ndaty hanagne aze.
4. Ty Nampanoratse o Baibolio
Alefaso i VIDEO oy. Vakio ty 2 Timoty 3:16, sady iharò midineke ty fagnonteneagne retoa.
Nagnino ro atao tihoe Saontsin’Andrianagnahare o Baibolio, ie amy izao ndaty ty nanoratse aze?
Vitan’Andrianagnahare vao ty mampita ty heve’e amy i ndaty nanoratse Baiboly rey? Hazavao.
Sekretera raike manoratse taratasy faie boake amy i sefo’ey i hafatsey. Hoe izay ka i ndaty nanoratse o Baibolio rey. Boake aman’Andrianagnahare ty hafatse nisorate iareo
5. Mbe misy hatrake amy izao o Baibolio ndra tie nisy te hamoagne aza
Boake aman’Andrianagnahare ty Baiboly, le natao’e ty nampisy aze hatrake amy izao. Naho henteagne o tantarao, le maro ty manam-pahefagne nikezake mba hamoagne o Baibolio. Tsy tea o mpitarike fivavahagneo hamaky Baiboly ka o ndatio. Faie maro ty ndaty nahafoe ty fiai’e mba hiarovagne o Baibolio ndra tie nenjehegne naho rineberebe ho vonoegne aza. Agnisa izay ty lahilahy raike toy. Alefaso i VIDEO oy, sady iharò midineke ty fagnonteneagne toy:
Mandrisike azo hamaky Baiboly vao ty fahafantara’o fa nanao sorogne ty fiai’e o ndaty rehoe mba hiarovagne aze? Ino ty anto’e?
Vakio ty Salamo 119:97, sady iharò midineke ty fagnonteneagne toy:
Nagnino ro maro ty ndaty nanao sorogne ty fiai’e mba handikagne naho hizaràgne o Baibolio?
6. Boke raike natao hoahy ze kila ndaty
Ty Baiboly avao ro boke adika amy ty firehake maro sady miparitake magneran-tane. Vakio ty Asan’ny Apostoly 10:34, 35, sady iharò midineke ty fagnonteneagne retoa:
Nagnino ro tean’Andrianagnahare hadika amy ty firehake maro sady hiparitake magneran-tane ty Saontsi’e?
Ino ty raha manintogne azo amo o Baibolio tamy ty lesogne toy ato?
Fa ho
100%
amy ty ndaty magneran-tane
ty managne Baiboly amy ty firehake azo’e
Misy amy ty
firehake
3 000
mahery o Baibolio iaby ndra ty tapa’e ama’e
Eo amy ty
5 000 000 000
ty fa natao pirinty naho oharegne amy ty boke hafa
MISY TY MIREHAKE FA: “Boke fa ela sinora o ndaty o Baibolio.”
Akore ty heve’o?
Ino ty porofo fa tena Saontsin’Andrianagnahare o Baibolio?
FAMINTIGNAGNE
Saontsin’Andrianagnahare ty Baiboly sady natao’e ty hahavy ze kila ndaty hanagne aze.
Fameregnagne
Akore ty nataon’Andrianagnahare naho fa nampanoratse o Baibolio reke?
Ino ty iteava’o o Baibolio naho henteagne ze nianarantikagne ato?
Fa mahafantatse rehe hinaneo tie, nanao raha ty Andrianagnahare mba hanagnantikagne o Baibolio. Ino ty tsapa’o?
FAGNAZAVAGNE FAGNAMPE’E
Vakio ato ty tantara o Baibolio, nanomboke ty nanoratagne aze tamy ty holim-biby hatrake amy izao.
“Nagnino o Baibolio ro Avy Hatrake Amantikagne Atoy?” (Mifohaza! Novambra 2007)
Azo atokisagne o Baibolio ndra tie misy raha telo mampisalasala o ndatio miomba aze aza.
“Soa Naho Fantaregne ty Tantara o Baibolio” (Fitalakesan-davitse Nim. 4 2016)
Ho trea’o amy ty video toy fa nanao sorogne ty ai’e ty ndaty ila’e mba handikagne o Baibolio.
Naheregne nadika mateteke o Baibolio. Faie akore ty hahavy azo hatoky fa tsy miova ty hafatse agnate’e ao?
a Hianarantikagne amy lesogne faha-07 ao, fa hery ampiasaen’Andrianagnahare o fagnahy masigneo.