መንግስቲ ኣምላኽ—ጕዕዞ 100 ዓመት

እቶም ዜጋታት መንግስቲ ኣምላኽ ኪዀኑ ዚደልዩ ሰባት፡ ብዛዕባ መንግስቲ ኣምላኽን ብዛዕባ እቲ ዓሚማቶ ዘላ ነገራትን ንኺምሃሩ ዚከኣሎም ኪገብሩ ኣለዎም። ስለምንታይ፧ እዚ፡ መንግስቲ ኣምላኽ ትገዝእ ከም ዘላ ንዘለዎም እምነት የደልድላ ጥራይ ዘይኰነስ፡ ንኻልኦት ብስራት መንግስቲ ኣምላኽ ምእንቲ ኺነግሩ እውን ንልቦም የለዓዕሎ። (መዝ 45:1፣ 49:3) ነታ መንግስቲ ኣምላኽ—ጕዕዞ 100 ዓመት ዘርእስታ ቪድዮ ኽትርእያ ኸለኻ፡ መልሲ እዘን ዚስዕባ ሕቶታት ክትረክብ ፈትን፦

1. “ፎቶ-ድራማ ኦቭ ክሪኤሽን” ነቶም ዝረኣይዋ ሰባት በረኸት ዝዀነት ስለምንታይ እያ፧

2. ረድዮ ነቲ ብስራት ናብ ሰባት ንምብጻሕ ዝሓገዘ ብኸመይ እዩ፧

3. ብስራት መንግስቲ ኣምላኽ ንምስባኽ፡ እንታይ ካልእ ሜላታት እዩ ዚዝውተር ነይሩ፧ እዚኸ እንታይ ውጽኢት ነበሮ፧

4. ኣብዘን ዝሓለፋ ዓመታት ንኣገልግሎት ዚኸውን ስልጠና እተመሓየሸ ብኸመይ እዩ፧

5. ንተምሃሮ ቤት ትምህርቲ ጊልዓድ ዚኸውን እንታይ ግብራዊ ስልጠና እዩ እተዳለወ፧

6. ዓበይቲ ኣኼባታት ንህዝቢ የሆዋ ኣብ ምምሃር እንታይ ግደ እዩ ዘለዎ፧

7. መንግስቲ ኣምላኽ ትገዝእ ከም ዘላ ዜረጋግጸልካ እንታይ እዩ፧

8. ንመንግስቲ ኣምላኽ ዘሎና ደገፍ ከነርኢ እንኽእል ብኸመይ ኢና፧