Zebur

Aýdymçylaryň ýolbaşçysyna. Dawudyň aýdymy.

20 Betbagtçylyk güni Ýehowa saňa jogap bersin,

Ýakubyň Hudaýynyň adyny çagyr, seni gorasyn+.

2 Mukaddes mekanyndan elini uzatsyn+,

Sionda oturan seniň daýanjyň bolsun+.

3 Ol beren sadakalaryňy unutmasyn,

Ýakma gurbanlyklaryňy kabul etsin. (Sela)

4 Ýürek arzuwlaryňy hasyl etsin+,

Maksat⁠-⁠myradyňa ýetirsin.

5 Halas edeniňde, seni wasp ederis+,

Hudaýymyzyň ady bilen tugumyzy dikeris+.

Goý, Ýehowa ähli dilegiňi kabul etsin.

6 Ýehowa saýlanyny halas edýän ekeni+.

Mukaddes mekanyndan jogap berýär,

Sag eli bilen halas edýär*+.

7 Käbiri söweş arabasyna, käbiri atyna bil baglaýar+,

Biz bolsa Ýehowa Hudaýymyzyň adyny çagyrýarys+.

8 Duşmanlar ýeňildi, çökdüler dyza,

Başymyzy dik tutup, galdyk aýaga+.

9 Eý Ýehowa, patyşany gora!+

Ol agyr günümizde kömek eder+.