Zebur
Aýdymçylaryň ýolbaşçysyna. «Säher maraly»*. Dawudyň aýdymy.
22 Alla jan, Alla jan, meni näme üçin terk etdiň?+
Meni näme üçin halas etmeýärsiň?
Perýadyma näme üçin jogap bermeýärsiň?+
2 Eý Hudaýym, gije-gündiz çagyrýaryn,
Maňa jogap bermeýärsiň+.
3 Sen mukaddessiň+,
Ysraýyl halky saňa alkyş aýdýar.
6 Meni bolsa kemsidip, masgaralaýarlar,
Adam saýman, gurçukça görýärler+.
8 «Ol Ýehowa bil baglady. Goý, Hudaýy halas etsin,
Alla ony söýýän bolsa, goý, dadyna ýetişsin» diýýärler+.
10 Dünýä inenim bäri goraýan sensiň,
Ejemiň göwresindekäm Hudaýym sensiň.
14 Suw kimin döküldim,
Süňklerim bognundan ýazdy.
16 Itler daş-töweregimi gabady+,
Garakçylar kimin daşyma üýşdi+,
Arslan kimin el-aýagymy çeýnedi+.
17 Süňklerimi sanabermeli boldy+.
Duşmanlar gözüni aýyrman seretdi.
19 Eý Ýehowa, menden uzakda durma+.
Sen meniň güýç-kuwwatym, tiz ýetiş dadyma+.
20 Şirin janymy gylyçdan gutar,
Itleriň penjesinden halas et+.
21 Ýolbarsyň agzyndan, ýabany öküziň şahyndan gutar+.
Dogama jogap ber, meni halas et.
23 Ýehowadan gorkýanlar, alkyş aýdyň!
Ýakubyň nesilleri, Allany şöhratlandyryň!+
Ysraýyl ogullary, Hudaýdan gorkuň!
Perýadyny eşidýändir+.
25 Jemagatyň öňünde seni wasp ederin+,
Senden gorkýanlaryň öňünde wadamy berjaý ederin.
Goý, olar ebedi ömür sürsünler!
27 Tutuş zemin Ýehowany ýatlap dolanar,
Tire-taýpalar tagzym ederler+.
28 Sebäbi hökümdarlyk Ýehowanyňkydyr+,
Ol ähli milletleriň üstünden höküm sürýändir.
29 Baý adamlar* iýip, sežde ederler,
Gara topraga siňjekler öňünde dyz eperler.
Olar janyny gutaryp bilmezler.
30 Olaryň nesli Alla sežde eder,
Geljekki nesle Ýehowa barada gürrüň berer.
31 Olar geljekki nesle Hudaýyň adalatyny,
Eden ähli işlerini wagyz ederler.