Zebur
Aýdymçylaryň ýolbaşçysyna. Karun ogullarynyň+ aýdymy. Maskil*.
44 Ýa Allam, biz gulagymyz bilen eşitdik,
Ata-babalarymyz gürrüň berdiler+.
Atalarymyzyň döwründe, gadym günlerde,
Seniň eden işleriňi aýdyp berdiler.
Ýurduny ata-babalarymyza berdiň+.
4 Eý Hudaý, meniň Patyşam!+
Goý, Ýakup beýik ýeňiş gazansyn!
6 Ýaýyma bil baglamaýaryn,
Gylyjymyň halas etmejegini bilýärin+.
7 Sen duşmanlardan halas etdiň+,
Bizi ýigrenýänleri masgara etdiň.
8 Eý Hudaý, saňa her gün alkyş aýdarys,
Seniň adyňy ebedilik wasp ederis. (Sela)
9 Şu gün bizden ýüz öwürdiň, masgara etdiň.
Goşunymyzyň arkasynda durmadyň.
10 Duşmandan gaçmaga mejbur etdiň+,
Bizi ýigrenýänler öýümizi taladylar.
11 Olar bizi goýun kimin parçaladylar,
Sen halkyňy milletleriň arasyna dargatdyň+.
12 Olary deger-degmez baha satdyň+,
Hiç hili peýda görmediň.
13 Goňşylaryň arasynda adymyzy masgara etdiň,
Olar ýaňsylap, üstümizden gülýärler.
14 Milletleriň öňünde masgara etdiň+,
Olar bizi görüp, başlaryny ýaýkaýar.
15 Her gün mertebäm peseldilýär,
Utançdan ýaňa başymy galdyryp bilmeýärin.
16 Bizden ar alýan duşmanlar,
Ajysyny pürküp, agzyna gelenini aýdýarlar.
17 Başymyza betbagtçylyk gelse-de, seni unutmadyk,
Mukaddes ähtiňi asla bozmadyk+.
18 Saňa ýürekden wepaly bolduk,
Ýoluňdan sowulmadyk.
19 Emma bizi şagallara şam etdiň,
Üstümizi tümlük bilen örtdüň.
Ol ýüregiň syrlaryny bilýär+.
22 Biz seniň hatyraňa
Uzakly gün ölümiň bäri ýanynda durus.
Bizi damagy çalynjak goýun kimin görýärler+.
23 Eý Ýehowa, näme üçin uklaýarsyň?+
Oýan, bize kömek et! Bizi ebedilik terk etme!+
24 Bizden näme üçin ýüz öwürýärsiň?
Jebir-jepamyzy näme üçin görmeýärsiň?
25 Bizi gara guma gardylar,
Üstümizden depeläp geçdiler+.
26 Eý hemaýatkärimiz, aýaga gal!+