Zebur

43 Eý Hudaýym, maňa adyl höküm çykar+,

Biwepa halkdan hakymy alyp ber+.

Hilegär hem adalatsyz adamdan meni gutar.

2 Eý Hudaýym, sensiň galam+.

Menden näme üçin ýüz öwürýärsiň?

Duşmanlarym azar berýär,

Maňa hasrat çekdirýär+.

3 Nuruňy saç, hakykatyňy aç+,

Goý, olar maňa ýol görkezsin+,

Mukaddes dagyňa, beýik çadyryňa eltsin+.

4 Şatlanyp Hudaýymyň huzuryna,

Gurbanlyk ojagynyň* ýanyna bararyn+.

Ýa Allam, arfa çalyp, seni wasp ederin+.

5 Näme üçin gamlanýarsyň, eý janym?

Näme üçin howsala düşýärsiň, eý kalbym?

Hudaýa garaş+,

Hudaýyma, Beýik Halasgärime ýene alkyş aýdaryn+.