Ýermeýanyň agysy
5 Eý Ýehowa, başymyza geleni unutma.
Seret, biz masgara bolduk+.
2 Mirasymyz ýada geçdi, kesekiler öýümizi aldy+.
3 Ýetim galdyk, ejemiz dul aýal kimin boldy+.
4 Agyz suwuny+, sazak oduny satyn alýarys.
5 Duşmanymyz ökjämizi basyp gelýär,
Dynçlyk ýok, ysgyn-mydarymyz gaçdy+.
6 Müsüre+, Assiriýa+ el serip, çörek diledik.
7 Günäli ata-babamyz gara ýere siňip gitdi,
Eden etmişlerini egnimiz bilen çekýäris.
8 Gul-gyrnagymyz agalyk edýär,
Biziň başymyzy gutarjak adam ýok.
9 Çölden gelýän gylyçly duşman sebäpli,
Bir döwüm çörek üçin başymyzy orta goýduk+.
10 Açlygyň derdinden+ bedenimiz ojak kimin gyzýar.
11 Sion gelinleriniň, Ýahuda gyzlarynyň namysyna degýärler+.
13 Ýigitler degirmen aýlaýar, çagalar odun daşap maýrylýar.
15 Ýüregimizde şatlyk galmady, toýumyz* ýasa öwrüldi+.
16 Waý halymyza, täjimiz başymyzdan gaçdy, başymyz günäli.
17 Dertlerden ýaňa ýüregimiz ýaraly+,
Gözümiziň nury öçdi+.
18 Sion dagynda adam-gara galmady+,
Tilkileriň sürenine öwrüldi.
19 Eý Ýehowa, tagtyň bakydyr, hökümdarlygyň ebedidir+.
20 Bizi näme üçin ýatdan çykardyň?
Näme üçin uzak wagtlyk terk etdiň?+
21 Eý Ýehowa, dolanmak isleýäris, bizi kabul et+,
Öňki günlerimizi gaýtaryp ber+.
22 Sen bizden bütinleý ýüz öwürdiň,
Bize garşy gazaply oduň köşeşmedi+.