19 Ýöne mejbur etmeseň, Müsür faraony sizi goýbermez+. 20 Güýçli golum bilen gudrat görkezip, Müsüriň başyna bela-beter indererin. Şonda faraon sizi goýberer+.

6 Ýehowa Musa: «Indi faraony edişime seret!+ Ol güýjümi görüp, halkymy goýberer, sizi ýurtdan özi kowup çykarar»+ diýdi.

8 Şonda faraon Musa bilen Haruny yzyna çagyrdyp: «Baryň, gidiň-de, Ýehowa Hudaýyňyza sežde ediň. Kimleri äkitjek bolýaňyz?» diýdi. 9 Musa: «Garry-ýaş, ogul-gyz, aýal-erkek diýmän, barymyz gideris, mal-garamyzy-da äkideris+. Sebäbi Ýehowanyň şanyna baýram etjek bolýarys»+ diýip jogap berdi. 10 Şonda faraon: «Näme, çaga-çugalaryňyz bilen goýberäýerin öýdýäňizmi? Hany göreli, Ýehowa size kömek edermikä?+ Niýetiňiz-ä düzüw däl! 11 O diýeniňiz bolmaz! Ýehowa sežde etjegiňiz çyn bolsa, diňe erkekleriňiz gitsin» diýip, olary kowup goýberdi.