14 Şonda Ýehowa şeýle diýdi:

«Demirgazykdan tutuş ýurduň üstüne betbagtçylyk geler+.

7 Ýehowa şeýle diýýär: „Mergiden, gylyçdan we açlykdan ölmedik her kesi: Ýahuda patyşasy Sadykýary, gul⁠-⁠gyrnaklaryny we şäher ilatyny Wawilon patyşasy Nawuhodonosoryň eline bererin. Olary duşmanlarynyň we janynyň kastyna çykanlaryň eline tabşyraryn+. Patyşa olaryň ählisini gylyçdan geçirer. Olara haýpy gelmez, ýüregi awamaz, rehimi inmez“+.

9 Şol sebäpli men demirgazykda ýaşaýan bütin halklary+, Wawilon patyşasy, gulum Nawuhodonosory+ çagyraryn — muny Ýehowa aýdýar. — Olary ýurduň, ilatyň we goňşy halklaryň üstüne çozduraryn+. Sizi we goňşy halklary ýok ederin, elhenç hala salaryn, hemişelik harabaçylyga öwrerin, adamlar olara bakyp sykylyk çalarlar*.