Zebur

72 Ýa Alla, patyşa öz hökümleriňi,

Şazada adalatyňy öwret+.

 2 Ol halkyňa adalatlylyk bilen,

Garyplara adyl kanunlaryň bilen höküm çykarsyn+.

 3 Goý, daglardan halkyňa parahatlyk,

Depelerden adalatlylyk gelsin.

 4 Patyşa ejizleriň hakyny alyp bersin,

Garyp⁠-⁠gasarlaryň perzentlerini gorasyn;

Ýalançylary ezip taşlasyn+.

 5 Gün şöhle saçýarka,

Asmanda Aý dogýarka,

Ynsan nesli senden gorksun+.

 6 Patyşa gök maýsa ýagýan ýagyş kimin bolsun,

Ýer ýüzüni suwarýan ýagmyr kimin bolsun+.

 7 Onuň şalygynda dogruçyllar döwran sürsün+,

Asmanda Aý dursun, parahatlyk höküm sürsün+.

 8 Ol deňizden⁠-⁠deňze,

Derýadan* ýeriň aňry ujuna çenli hökümdarlyk eder+.

 9 Çarwalar huzurynda baş eger,

Duşmanlary topragy ýalar+.

11 Ähli patyşalar tagzym ederler,

Hemme halklar gulluk ederler.

12 Ol perýat edýän garyby,

Hossarsyz mätäji halas eder.

13 Garyp⁠-⁠gasara rehim eder,

Mätäjiň janyny halas eder.

14 Olary zorluk⁠-⁠sütemden gutarar,

Olaryň jany* patyşa üçin gymmatlydyr.

Patyşa üçin doga⁠-⁠dileg edilsin,

Her gün alkyş aýdylsyn!

16 Ýer ýüzünde galla köp bolar+,

Daglaryň depesine çenli ýeter.

Patyşanyň bag⁠-⁠bakjasy Liwan tokaýy kimin bolar+,

Şäheriň ilaty ýaşyl ot kimin gülläp öser+.

17 Goý, ady müdimilik ýatlansyn+,

Gün dursun, patyşa dursun!

Adamlar saýasynda bereket alsyn+,

Ähli halklar oňa bagtly diýsin.

18 Ýehowa Hudaýa, Ysraýylyň Hudaýyna alkyş bolsun!+

Diňe Alla täsin işleri edýär+.

19 Hudaýyň adyna ebedilik alkyş aýdylsyn+,

Bütin ýer ýüzi şöhratyndan dolsun!+