Zebur

Ýehowa şükür ediň, sebäbi ol ýagşydyr+,

Wepaly söýgüsi* ebedidir+.

 2 Ýehowanyň ähli gudratly işlerini kim gürrüň berip biler?

Öwgä mynasyp işlerini kim jar edip biler?+

 3 Hemişe dogry işleri edýän,

Adalatly adamlar bagtlydyr+.

Meni gora, halas et.

 5 Saýlanlaryňa eden ýagşylygyňy görüp, menem begeneýin+,

Halkyňa goşulyp şatlanaýyn,

Mirasyň bilen seni taryplaýyn.

 6 Ata⁠-⁠babalarymyz ýaly, bizem günä etdik+,

Ýazykly bolduk, erbet işe baş goşduk+.

Wepaly söýgä baýdygyňy unutdylar.

Gyzyl deňziň kenarynda gozgalaň turuzdylar+.

 8 Emma Hudaý adynyň hatyrasyna olary halas etdi+,

Gudratly güýjüni görkezdi+.

 9 Ol käýände, Gyzyl deňiz gurady,

Çölden ýörän ýaly, olary deňziň düýbünden geçirdi+.

10 Olary duşman elinden halas etdi+,

Ýagylarynyň penjesinden azat etdi+.

11 Duşmanlaryny gark etdi,

Hiç biri halas bolmady+.

12 Şonda Hudaýyň wadasyna iman etdiler+,

Onuň şanyna aýdym aýtdylar+.

13 Emma Allanyň işlerini tiz unutdylar+,

Görkezmesine garaşmadylar.

14 Çölde nebsine çapdylar+,

Düzde Allany synadylar+.

15 Hudaý olara soran zatlaryny berdi,

Soňra keselçilik bilen gyrdy+.

16 Olar düşelgede Musa,

Ýehowanyň mukaddes guly+ Haruna göriplik etdiler+.

17 Şonda ýer ýarylyp, Datany ýuwutdy,

Abyramy ýaranlary bilen alyp gitdi+.

18 Jemagatyň ortasyna lowlap duran ot düşdi,

Oduň ýalny erbetleri ýalmap ýuwutdy+.

19 Horepde göle ýasadylar,

Guýma buta sežde etdiler+.

20 Olar meniň şöhratymy,

Ot iýýän göläniň şekili bilen çalyşdylar+.

21 Müsürde beýik işleri eden+,

Halasgär Hudaýy unutdylar+.

22 Ham ýurdunda ajaýyp işleri eden+,

Gyzyl deňizde gudrat görkezen Allany+ unutdylar.

23 Hudaý olary ýok etmekçi bolanda,

Saýlan bendesi Musa töwella etdi,

Lowlap duran gaharyny köşeşdirdi+.

24 Gözel ýurda olaryň göwni ýetmedi+,

Hudaýyň wadasyna iman etmediler+.

25 Ýehowanyň sözüni diňlemediler+,

Çadyrynda hüňürdeşip ýördüler+.

26 Şonda olary çölde ýok etmek üçin,

Alla elini galdyryp ant içdi+.

27 Perzentlerini halklaryň eli bilen gyrmak,

Olary ýat ýurtlara dargatmak kararyna geldi+.

28 Olar Pegor Bagalyna sežde edip başladylar*+,

Ölülere* berlen gurbanlyklary iýdiler.

29 Olar işleri bilen Hudaýyň gaharyny getirdiler+,

Şonda halkyň başyna gyrgynçylyk indi+.

30 Pinehas aýgytly hereket etdi,

Gyrgynçylyk togtady+.

31 Şol sebäpli nesilden⁠-⁠nesle

Dogruçyl adam hasaplandy+.

32 Olar Meribada* Allanyň gaharyny getirdiler,

Olar sebäpli Musa temmi berildi+.

33 Halk Musanyň gaharyny getirdi,

Ol hem oýlanman gepledi+.

34 Ýehowa olara halklary ýok etmegi tabşyrdy+,

Emma olar Alla gulak asmady+.

35 Milletleriň arasyna garyşyp gitdiler+,

Olaryň däp⁠-⁠dessurlaryny berjaý etdiler*+.

36 Olaryň butlaryna sežde etdiler+,

Eden işleri olara duzak boldy+.

37 Ogul⁠-⁠gyzlaryny

Jynlara gurbanlyk berdiler+.

38 Kengan butlaryna gurbanlyk bermek üçin,

Ogul⁠-⁠gyzlarynyň ganyny+,

Bigünä adamlaryň ganyny dökdüler+.

Ýurdy gan bilen haramladylar.

39 Eden etmişleri bilen haram boldular,

Hudaýa dönüklik etdiler+.

40 Ýehowa halkyna gaharlandy,

Ol mirasyny ýigrendi.

41 Olary ençeme gezek halklaryň eline berdi+,

Duşmanlary üstünden höküm sürdi+.

42 Ganym duşmanlary olara azar berdi,

Üstünden agalyk etdi.

43 Alla olary telim gezek halas etdi+,

Emma olar gulak asman, gozgalaň turuzdy+,

Günäleri sebäpli masgara boldy+.

44 Hudaý olaryň jebir⁠-⁠jepasyny gördi+,

Kömek sorap, eden perýadyny eşitdi+.

45 Halky bilen eden ähtini ýatlady,

Olara haýpy geldi*, sebäbi wepaly söýgüsi çäksizdi+.

47 Ýehowa Hudaýymyz, bizi halas et+,

Halklaryň arasyndan ýygna+.

Şonda mukaddes adyňa alkyş aýdarys,

Şatlyk bilen seni şöhratlandyrarys+.

48 Ysraýyl Hudaýy Ýehowa şöhrat!

Oňa ebedilik alkyş aýdylsyn!+