MIKAÝ PYGAMBERIŇ KITABY

Ýer ýüzi we janly-jemende, diňläň!

Goý, Älemiň Hökümdary Ýehowa,

Mukaddes mekanynda oturan Ýehowa sizi höküm etsin+.

 3 Serediň, Ýehowa öz mekanyndan çykýar,

Ol aşak inip, dag-depeleriň üstünden ýörär.

 4 Aýagynyň astynda daglar erär+,

Jülgeler ikä bölüner,

Otda ereýän mum* ýaly,

Kert gaýadan inýän sil ýaly bolar.

 5 Ýakubyň turzan gozgalaňy,

Ysraýyl öýüniň günäleri sebäpli şeýle zatlar bolýar+.

 6 Men Samariýany harabaçylyga öwrerin,

Üzüm ekilýän ýer kimin tekizlärin.

Daşlaryny togalap, jülgä taşlaryn,

Galany düýp-teýkary bilen ýalaňaçlaryn.

 7 Ähli oýma butlary bölek-bölek ediler+,

Tenini satyp gazanan zatlary otda ýanar+.

Ahlaksyzlykdan düşen gazanjy elinden alnyp,

Başga bir ahlaksyza berler».

 8 Munuň üçin aglap, perýat ederin+,

Eşigimi çykaryp, aýakýalaňaç gezerin+.

Şagallar ýaly uwlaryn,

Düýeguşlar kimin aglaryn.

 9 Sebäbi onuň ýaralary bitmedi+,

Gaýtam Ýahuda çenli ýaýrady+.

10 «Muny Getde yglan etmäň,

Siz asla aglamaly dälsiňiz.

12 Marotyň halky ýagşylyga umyt etse-de,

Ýehowa Iýerusalim derwezelerine betbagtçylyk iberdi.

Sion gyzy siz sebäpli günä etdi,

Ysraýyl sen* sebäpli gozgalaň turuzdy+.

Şonuň üçin saçyňyzy syryň,

Ähliňiz kel boluň, dazzarkel ýaly kel boluň».

2 «Düşeginde duzak gurmak hakda oýlanýanlaryň,

Päliýaman adamlaryň waý halyna!

Olar daň atanda niýetini amala aşyrýarlar,

Sebäbi il-günüň ygtyýary olaryň elinde+.

 2 Olar islän mellegini alýarlar+,

Islän öýlerine eýe çykýarlar.

Adamy aldap, öýüni elinden alýarlar+,

Mirasdüşeri mirasyndan mahrum edýärler.

„Halkyň başyna betbagtçylyk indererin+,

Gaçyp gutulmazlar+.

Indi tumşugyňyzy göge tutup gezmersiňiz+,

Sebäbi heläkçilik güni geldi+.

 4 Şol günlerde halklaryň dilinden düşmersiňiz,

Olar siziň üçin agy aýdarlar+.

Olar: „Bizi taladylar!+

Alla halkymyň paýyny alyp, ýat adamlara berdi.

 5 Ölçeg ýüpi bilen ýer paýlaryny ölçäp berjek adam,

Ýehowanyň halkynyň arasyndan tapylmaz.

 6 Olar: „Wagyz etmäň!

Beýle zatlar hakda wagyz etmäň.

Biz masgara bolmarys!“ diýýärler.

Söweşden gelýän esger ýaly

Arkaýyn geçip barýan ötegçileriň

Göz-görtele şaý-seplerini, donuny sypyryp alýarsyňyz*.

 9 Halkymyň gelinlerini asuda öýlerinden kowýarsyňyz,

Çagalaryny meniň berekedimden mahrum edýärsiňiz.

Ýurt haram boldy+, şonuň üçin heläkçilik,

Uly heläkçilik iner+.

12 Eý Ýakup, men seni bir ýere jemlärin,

Ysraýylyň aman galanlaryny ýygnaryn+.

Agyldaky goýun kimin,

Öri meýdandaky süri kimin bir ýere toplaryn+.

Ýurtda märekäniň sesi ýatmaz“+.

13 Halk diwary ýykýanyň yzyna düşer.

Olar ýykylan diwardan geçip, derwezeden çykyp giderler+.

Olaryň patyşasy öňlerinden ýörär,

Ýehowa olara ýol görkezer»+.

3 Men şeýle diýdim: «Ýakubyň baştutanlary,

Ysraýyl hökümdarlary, diňlemegiňizi haýyş edýärin!+

 2 Siz ýagşylygy ýigrenip+, ýamanlyk etmegi halaýarsyňyz+,

Halkymyň hamyny soýup,

Etini süňkünden sypyrýarsyňyz+.

 3 Siz halkymyň hamyny soýup,

Etini iýýärsiňiz+.

Gazana atyljak, gazanda gaýnadyljak et kimin,

Halkymyň süňklerini bölek-bölek edýärsiňiz+.

 4 Siz şol gün Ýehowadan kömek sorarsyňyz,

Emma ol jogap bermez.

Şol gün Hudaý sizden ýüz öwrer+,

Sebäbi siz erbet işleri edýärsiňiz+.

 5 Halkymy azdyrýan pygamberler+,

Aklyk berilse*+: „Parahatlyk!“ diýýärler+.

Hiç zat bermeýänlere bolsa gargaýarlar*.

Ýehowa olara şeýle diýýär:

 6 „Siz tümlükde bolarsyňyz+, görnüş* görmersiňiz+,

Sizi garaňkylyk gaplar, palçylyk etmersiňiz.

Pygamberleriň Güni batar,

Gündizi garaňkylyga döner+.

 7 Görgürler* masgara bolar+,

Palçylar utanja galar.

Alladan jogap bolmansoň,

Ählisi utançdan ýaňa ýüzüni* ýapar“».

 8 Ýehowanyň ruhy güýjüme güýç goşdy.

Ol maňa adalatly hem batyrgaý bolmaga kömek etdi,

Şonda men Ýakubyň turzan gozgalaňyny,

Ysraýylyň günäsini paş etdim.

 9 Ýakubyň baştutanlary,

Ysraýyl hökümdarlary, diňlemegiňizi haýyş edýärin!+

Siz adalaty ýigrenýärsiňiz, hakykaty ýoýýarsyňyz+.

10 Siony gan döküp, Iýerusalimi adalatsyzlyk edip gurduňyz+.

11 Onuň baştutanlary para alyp, höküm çykarýarlar+,

Ruhanylary tölegli sapak berýärler+,

Pygamberleri pul üçin pal atýarlar+.

12 Siz sebäpli Sion mellek kimin sürler,

Iýerusalim harabaçylyga döner+.

Dagyň depesindäki ybadathana jeňňele öwrüler+.

4 Soňky günlerde*,

Ýehowanyň öýüniň duran dagy+,

Ähli daglardan belentde durar,

Ol baýyrlardan hem beýik bolar,

Ähli halklar oňa tarap eňerler+.

«Geliň, Ýehowanyň dagyna çykalyň,

Ýakubyň Hudaýynyň öýüne baralyň+.

Ol bize öz ýollaryny öwreder,

Biz onuň ýodalaryndan ýöräris».

Sebäbi kanun Siondan,

Ýehowanyň sözi Iýerusalimden çykar.

 3 Ol köp halklaryň arasynda kazylyk eder+,

Uzakda ýaşaýan güýçli milletleriň dawasyny çözer.

Olar gylyçlaryndan azallar,

Naýzalaryndan oraklar ýasarlar+.

Millet millete garşy gylyç galdyrmaz,

Indi söweşmegi öwrenmezler+.

 4 Olar üzüm we injir agaçlarynyň saýasynda oturarlar+.

Olary hiç kim gorkuzyp bilmez+.

Sebäbi Serkerdebaşy Ýehowa söz berdi.

 5 Ähli halklar öz taňrylarynyň ady bilen ýörär.

Biz bolsa elmydama we ebedilik

Hudaýymyz Ýehowanyň ady bilen ýöräris+.

 6 Ýehowa şeýle diýýär:

«Şol gün agsaklaýan,

Dargadylan adamlary,

Agyr jeza beren halkymy bir ýere ýygnaryn+.

 7 Agsaklaýan halkymy aman galdyraryn+.

Uzak ýurda sürgün edilen halkymy güýçli millet ederin+.

Ýehowa Sion dagynda,

Häzirem, gelejekde-de olara hökümdarlyk eder.

 8 Eý sürimi garawullaýan diň,

Sion gyzynyň baýry!+

Sen ýene-de öňki ygtyýaryňa eýe bolarsyň+,

Iýerusalim gyzynyň patyşalygy yzyna berler+.

Seniň patyşaň ýokmy?

Maslahatçylaryň aradan çykdymy?

Näme üçin dogurýan aýal ýaly ejir çekýärsiň?+

10 Eý Sion gyzy,

Çaga dogurýan aýal ýaly azap çekip gygyr.

Sebäbi sen şäherden çykyp, çölde ýaşarsyň.

Uzak ýol söküp, Wawilona bararsyň+,

Şol ýerde halas bolarsyň+,

Ýehowa seni duşmanlardan satyn alar+.

11 Köp halklar jem bolup, saňa garşy çykar.

Olar: „Goý, ol masgara bolsun!

Sionyň haraba bolşuny gözümiz bilen göreliň“ diýer.

12 Ýöne olar Ýehowanyň pikirini bilmeýärler,

Onuň niýetine düşünmeýärler.

Ýaňy desselenen bugdaýyň harmana üýşürilişi deý,

Alla-da olary bir ýere ýygnar.

13 Eý Sion gyzy, tur, harmanda däne döw!+

Sebäbi seni demir şahly,

Mis toýnakly öküz kimin ederin.

Sen köp halklary kül-owram edersiň+.

Olaryň haram gazanjyny Ýehowa,

Emlägini ýer ýüzüniň Hojaýynyna bagyş edersiň»+.

5 «Gabawa düşen şäheriň ilaty!

Sen öz bedeniňe ýara salýarsyň.

Biz gabawa düşdük+.

 2 Beýtullaham Efrafa!+

Sen Ýahuda tireleriniň* iň kiçisi bolsaň-da,

Ysraýylyň hökümdary senden çykar,

Ol islegimi berjaý eder+.

Onuň asly gadymy döwürdendir, geçmişdendir.

 3 Göwreli aýal dogurýança,

Hudaý halkyna nazar salmaz.

 4 Ol Ýehowanyň güýji bilen,

Ýehowa Hudaýyň beýik ady bilen çopançylyk eder+.

Onuň at-owazasy ýeriň ähli künjegine ýeter+.

Olar asudalykda ýaşar+.

Assiriýalylar ýurdumyzy basyp aljak bolsa,

Berk diňlerimizi ýumurjak bolsa+,

Olar bilen söweşer ýaly,

Adamlaryň içinden ýedi çopany, sekiz serdary belläris.

 6 Olar Assiriýany,

Nemrutyň ýurduny*+ gylyçdan geçirer+.

Assiriýalylar ýurdumyza gelip, topragymyzy depelese,

Şol hökümdar halas eder+.

 7 Ýakubyň aman galanlary köp halklaryň arasynda

Ýehowanyň gök otlara inderýän çygy deý,

Ýagdyrýan ýagşy deý bolar.

Sebäbi çyg-da, ýagyş-da adam ogullaryna bagly däldir,

Olaryň üstünden ynsanyň ygtyýary ýokdur.

 8 Ýakubyň aman galanlarynyň penjesinden

Hiç kim halas bolup bilmez.

Olar köp halklaryň, milletleriň içinde,

Jeňňel haýwanlarynyň arasyndaky arslan kimin bolar,

Goýunlaryň arasyndaky şir kimin,

Sürä topulyp, ony tüýt-müýt eden ýolbars kimin bolar.

 9 Sen duşmanlaryň üstünden ýeňiş gazanarsyň,

Ähli ýagylaryňy ýok edersiň».

10 Ýehowa şeýle diýýär:

«Şol gün atlaryňy ýok ederin,

Söweş arabalaryňy bölek-bölek ederin.

11 Şäherleriňi weýran ederin,

Berk galalaryňy ýer bilen ýegsan ederin.

12 Gözbagçylaryňy ýok ederin,

Araňyzda jadygöýler bolmaz+.

13 Oýma butlaryňyzy,

Keramatly sütünleriňizi çym-pytrak ederin.

Siz indi elleriňiziň ýasan zadyna sežde etmersiňiz+.

14 Keramatly pürsleriňizi* goparyp taşlaryn+,

Şäherleriňizi ýer bilen ýegsan ederin.

15 Maňa gulak asmaýan milletlerden,

Gahar-gazap bilen ar alaryn».

Turuň, dawaňyzy daglara aýdyň,

Sizi depeler hem eşitsin+.

 2 Daglar, ýeriň berk diregleri,

Ýehowanyň arzyny diňläň!+

Ýehowa öz halkynyň üstünden şikaýat edýär.

Ysraýyl halkyna garşy arz-şikaýatyny diňläň+:

 4 Men sizi Müsürden çykardym+,

Gul bolan ýurduňyzdan azat etdim+.

Siziň üçin Musany, Haruny we Merýemi+ iberdim.

 5 Eý halkym, Ýehowanyň adalatly işlerini biliň!

Mowap patyşasy Ballagyň guran hilesini+,

Benur ogly Bilgamyň beren jogabyny+,

Şitimden+ Gilgala+ barýan ýollarda bolan wakalary ýatlaň».

Birýaşar öküzleri getireýinmi?+

Ýakma gurbanlygyny bereýinmi?

 7 Müňlerçe goç getirsem,

On müňlerçe çelek ýag sadaka bersem+,

Ýehowa razy bolarmy?

Gozgalaň edenim üçin nowbahar oglumy,

Günäm üçin bilimden önen perzendimi bereýinmi?+

Hudaýyň öňünde+ päliňi pes tutup+,

Adalatly+ we wepaly bol!*+

 9 Ýehowa şähere ýüzlenýär:

(Paýhasly adamlar seniň adyňdan gorkar).

10 Erbetleriň öýi henizem haram gazançdan dolumy?

Kem ölçeýän çuwallary* barmy?

11 Meniň kem çekýän terezim bolsa,

Torbamda kem çekýän daşlar bar bolsa, päk bolarynmy?+

12 Şäheriň baýlary zalymlyk edýär,

Ilaty ýalan sözleýär+,

Dilleri bilen hile gurýar+.

13 «Şonuň üçin seni urup ýaralaryn+,

Günäleriň üçin weýran ederin.

14 Iýersiň, emma doýmarsyň,

Garnyň hemişe aç bolar+.

Toplan zadyňy gorap bilmersiň,

Ýygnanyňy duşman eline bererin.

Zeýtuny ýenjersiň, emma ýagyny ulanmarsyň,

Täze şerap taýýarlarsyň, emma ondan içmersiň+.

16 Omranyň kada-kanunlaryny berjaý edýärsiň,

Ahabyň ýigrenji işlerine eýerýärsiň+.

Olaryň öwüt-nesihaty bilen ýaşaýarsyň.

Şonuň üçin seni gorkunç hala salaryn.

Seni gören adamlar sykylyk çalarlar*+,

Halklar seni masgara ederler»+.

7 Waý meniň halyma!

Men tomus miweleri we üzüm hasyly ýygylansoň,

Iýere ýekeje salkym üzüm tapmaýan adama,

Irki bişen injiri küýseýän adama meňzeýärin.

 2 Ýer ýüzünde wepaly adam,

Ynsanlaryň arasynda dogruçyl adam galmady+.

 3 Olar erbetlik etmäge ökde+.

Han-begler halat-serpaý isleýärler,

Kazylar para soraýarlar+,

Baýlar isleg-arzuwyny aýdýarlar+.

Olar biri-birini goldap, erbet niýetlerini amala aşyrýarlar.

 4 Olaryň iň ynsaplysy tikenege meňzeýär,

Iň dogruçyly tikenli haýat ýalydyr.

 6 Sebäbi ogly atasyny ýigrener,

Gyzy ejesine+, gelni gaýynenesine garşy çykar+.

Adamyň duşmany öý-içerisindäkiler bolar+.

Men ýykylsam-da, ýerimden turaryn.

Tümlükde ýaşasam-da, Ýehowa nurum bolar.

 9 Men Hudaýa garşy günä etsem-de+,

Indi adalaty dikeldip, hakymy alyp berýänçä,

Ýehowanyň gahar-gazabyna çydaryn.

Alla meni ýagtylyga çykarar,

Şonda onuň adalatyny görerin.

Maňa: «Ýehowa Hudaýyň hany?»+ diýenler

Masgara bolarlar.

11 Şol gün daşdan diwarlary dikeldersiň,

Ol gün serhediňi giňeldersiň.

12 Şol gün Assiriýada, Müsüriň şäherlerinde,

Müsür bilen derýanyň* arasynda,

Deňizleriň, daglaryň arasynda ýaşaýan

Ähli halklar saňa geler+.

13 Ýurt boşap galar,

Sebäbi halk günä etdi.

14 Eý Hudaý, tokaýda, bagy-bossanlykda,

Başga milletlerden aýra ýaşaýan halkyňy,

Mirasyň bolan süriňi çopan taýagyň bilen bak+.

Gadymy günlerde bolşy ýaly,

Başan bilen Gilead+ onuň örüsi bolsun.

15 «Müsürden çykanyňyzda bolşy ýaly,

Size gudratlary görkezerin+.

Olar elleri bilen agzyny ýaparlar.

Olaryň gulagy ker bolar.

17 Halklar ýylan kimin gara topragy ýalarlar+,

Sandyraşyp, süýrenijiler kimin galalaryndan çykarlar.

Ýehowa Hudaýyň huzuryna titreşip bararlar,

Olar senden gorkarlar»+.

18 Aman galan halkynyň+ ýazyklaryny bagyşlaýan,

Günälerini geçýän seniň ýaly Hudaý barmy?+

Alla hemişe gaharlanyp ýörmez,

Sebäbi ol ýagşylyk etmegi* gowy görýär+.

19 Sen ýene bize rehim edersiň+,

Günälerimizi aýak astynda basgylarsyň.

20 Gadymy günlerde ata-babalarymyza wada berişiň ýaly+,

Ýakuba wepaly bolarsyň.

Ybraýyma ýagşylyk edersiň*.