Isanyň dogluşyndan, tä ölümine çenli

Hudaý Merýem atly bir gözel gyzyň ýanyna Jebraýyl perişdäni iberýär. Perişde Merýeme ogul dogurjakdygyny we oglunyň patyşa bolup, baky höküm sürjekdigini aýdýar. Şol çaga, ýagny Isa pygamber malýatakda dogulýar. Çopanlar ony görmäge barýar. Soňra bir ýyldyz Gündogardan gelýän adamlary ol ýere eltýär. Olara ýyldyzy kimiň görkezendigini hem-de Isanyň ölümden nädip halas bolandygyny bileris.

Soňra biz 12 ýaşly Isanyň ybadathanada mugallymlar bilen eden gürrüňi barada okarys. 18 ýyldan Isa suwda çokundyrylyp, Hudaýyň tabşyran işine, ýagny Patyşalyk barada adamlara wagyz etmäge başlaýar. Bu işe kömek eder ýaly, 12 sany adamy özüne resul saýlaýar.

Şeýle hem, Isa birnäçe gudrat görkezýär. Ol müňlerçe adamy birnäçe çörek we balyjak bilen doýurýar. Syrkawlary sagaldyp, hatda ölen adamlary hem direldýär. Şu bölümiň ahyrynda Isanyň ömrüniň soňky günlerinde bolan zatlary we ony nädip öldürendikleri barada bileris. Isa üç ýarym ýyla golaý wagyz etdi. Şonuň üçin ALTYNJY bölüm 34 ýyldan köpräk wagty öz içine alýar.