1-nji sapak

Hudaýyň näme talap edýändigini nädip bilip bolar

Mukaddes Ýazgylarda nähili wajyp habarlar bar? (1)

Onuň awtory kim? (2)

Mukaddes Ýazgylary näme üçin öwrenmeli? (3)

1. Mukaddes Ýazgylar — bu, Hudaýyň örän gymmatly sowgadydyr. Ony, söýgüden doly atanyň öz çagalaryna ýazan haty bilen deňeşdirip bolar. Mukaddes Ýazgylarda Hudaý barada hakykat aýdylýar: ol kim we onuň kadalary nähili. Onda, kynçylyklary nädip ýeňip bolýandygy we nädip hakyky bagty tapyp bolýandygy düşündirilýär. Hudaýa nädip ýaranmalydygyny, diňe Mukaddes Ýazgylardan bilip bolar (Zebur 1:1—3; Işaýa 48:17, 18).

2. Mukaddes Ýazgylary, biziň eramyzdan öň 1513-nji ýyldan başlap, 1600 ýylyň dowamynda takmynan 40-a golaý dürli adamlar ýazdylar. Mukaddes Ýazgylar 66 sany kitapdan ybarat. Ony ýazan adamlary Hudaý ruhlandyrdy. Olar öz pikirlerini däl-de, Hudaýyň pikirlerini ýazdylar. Şol sebäpli Mukaddes Ýazgylaryň Awtory — adam däl-de, göklerde ýaşaýan Hudaý (2 Timoteos 3:16, 17; 2 Petrus 1:20, 21).

3. Hudaý, Mukaddes Ýazgylaryň dogry göçürilmeginiň we abat saklanylmagynyň aladasyny etdi. Mukaddes Ýazgylaryň çap edilen sany başga her bir kitabyň tiražyndan has köpdür. Seniň Mukaddes Ýazgylary öwrenýändigiňe hemmeler begenmez, emma hiç kime okuwyňa böwet bolmaga ýol berme. Garşylyga garaman, Hudaý barada bilim almak we onuň islegini berjaý etmek — bu seniň ebedi gelejegiň girewidir (Matta 5:10—12; Ýahýa 17:3).