2-NJI SAPAK

Mukaddes Kitap gelejege umyt berýär

Çap edilen görnüşi

Adamlaryň durmuşy kynçylykdan, gaýgy-aladadan doly. Belki, senem keselçilikden kösenýänsiň ýa-da dogan-garyndaşlaryňdan biri aradan çykandyr. Şonuň üçin: «Haçan gaýgy-aladasyz ýaşarkam?» diýýänsiň. Mukaddes Kitapda gowy habar aýdylýar.

1. Mukaddes Kitap nähili umyt berýär?

Mukaddes Kitapda näme üçin kynçylyk çekýändigimiz düşündirilýär. Şeýle-de şol kynçylyklaryň tizden aýryljakdygy aýdylýar. Mukaddes Kitap «ýagty gelejege umyt berýär» (Ýermeýa 29:11, 12-nji aýatlary oka). Şol umyt kynçylyklara döz gelmäge, hemişe bagtly bolmaga kömek edýär.

2. Mukaddes Kitapda gelejek barada näme diýilýär?

Mukaddes Kitapda: «Indi ne ölüm, ne hasrat, ne agy, ne-de agyry bolar» diýilýär (Ylham 21:4-i oka). Şu günler ýeter-ýetmezlik, adalatsyzlyk, keselçilik, ölüm-ýitim köp bolansoň, adamlar gowy durmuşyň boljagyna ynanmaýarlar. Ýöne şeýle kynçylyklar tizden aýrylar. Mukaddes Kitapda ýer ýüzüniň Jennet boljagy, adamlaryň ebedi ýaşajagy aýdylýar.

3. Gowy durmuşyň boljagyna nädip ynanyp bilersiň?

Köp adamlar ýagşy umytda bolsalaram, gowy durmuşda ýaşajakdygyna ynanyp bilmeýärler. Emma Mukaddes Kitapdaky sözler hökman ýerine ýeter. Eger sen «mukaddes kitaplary her gün» öwrenseň, onda ýer ýüzünde gowy durmuşyň boljagyna düşünersiň (Resullar 17:11).

SÖHBETDEŞLIK

Mukaddes Kitapda gowy gelejek wada berilýär. Şol wadalar häzirden bagtly edýär.

Suratlarda adamlaryň çekýän kynçylyklary bilen gelejekde olaryň aýryljakdygy görkezilýär.

4. Mukaddes Kitapda bagtly hem ebedi ýaşajagymyz aýdylýar

Aşakdaky aýatlarda gelejekde durmuşyň nähili boljagy aýdylýar. Sen şolaryň haýsysynyň bolmagyny isleýärsiň? Näme üçin?

Aýatlary okap, aşakdaky soraglar boýunça gürrüňdeş boluň.

Okan aýatlaryň saňa nämä umyt berýär? Olar maşgalaňa we dost-ýarlaryňa nähili umyt berip biler?

Göz öňüne getir!

HIÇ BIR ADAM. . .	HER BIR ADAM. . .
gözýaş dökmez, garramaz, ölmez (Işaýa 25:8).	dogan-garyndaşlarynyň ýer ýüzünde direlişini görer (Ýahýa 5:28, 29).
kesellemez, maýyp bolmaz (Işaýa 33:24; 35:5, 6).	tut ýaly sagdyn, gujur-gaýratly bolar (Eýýup 33:25).
adalatsyzlyga duşmaz (Işaýa 32:16, 17).	bolçulykda ýaşar, gowy öýi bolar, höwes bilen işlär (Zebur 72:16; Işaýa 65:21, 22).
uruşlardan ýaňa görgi görmez (Zebur 46:9).	parahatlykda ýaşar (Zebur 37:11).
öňki zatlary ýatlap, gama batmaz (Işaýa 65:17).	gowy şertlerde ebedi ýaşar (Zebur 37:29).

Kesel ýatan oglanjyk sagalýar we ejesini gujaklaýar.

Garry adam ýaş bolýar, arabada gök-önümleri getirýär.

5. Mukaddes Kitapdaky wadalar hökman ýerine ýeter

Köp adamlar kynçylyklary görüp gynanýar, hatda gahary gelýär. Käbirleri bolsa ýagdaýy düzetjek bolup elinden gelenini edýär. Mukaddes Kitapda ýazylan wadalaryň adamlara häzirden kömek edişine seredeliň. WIDEONY görüp, aşakdaky soraglar boýunça gürrüňdeş boluň.

WIDEO: «Men adalatsyzlyga garşy göreşýärdim» (4:07)

Suratlar: «Men adalatsyzlyga garşy göreşýärdim» diýen wideonyň suratlary. 1) Rafika çaga wagty öz milletindäki adamlar bilen pagta ýygýar. 2) Rafika ilkinji gezek Ýehowanyň Şaýatlarynyň kongresine baranda, dürli milletli adamlaryň agzybirdigini görüp, haýran galýar.

Rafikany näme biynjalyk edýärdi?
Adalatsyzlyk aýrylmasa-da, Mukaddes Kitap nädip kömek etdi?

Gelejege umyt göwünlik berýär, kynçylyklarda-da bagtly bolmaga kömek edýär. Nakyllar 17:22 we Rimliler 12:12-nji aýatlary okap, aşakdaky soraglar boýunça gürrüňdeş boluň.