2023 ýyl – Näme üçin umydymyzy üzmeli däl? Mukaddes Kitapda näme diýilýär?

Biz her täze ýyly ýagşy umytlar bilen garşy alyp, maşgalamyza gowulyk arzuw edýäris. 2023-nji ýylda umytly bolmaga näme kömek eder?

Mukaddes Kitap umyt berýär

Mukaddes Kitapda durmuşda duş gelýän kynçylyklarymyzyň wagtlaýyndygy we tizden olaryň zym-zyýat boljakdygy aýdylýar. Hudaýyň Sözi «öwüt-nesihat bermek üçin ýazyldy. Olar umyt... we göwünlik berýär» (Rimliler 15:4).

•  Mukaddes Kitapda aýdylan wadalar barada köpräk bilmek isleseňiz, «Ertire ynam bilen garaň!» atly makalany okaň.

Umyt häzirden kömek edýär

Mukaddes Kitabyň berýän umydy «janymyzy berk saklaýan labyr kimindir» (Ýewreýler 6:19). Umyt adama güýç-gaýrat berýär, kynçylyklara döz gelmäge, olara dogry garaýyşda bolmaga we özümizi häzirden bagtly duýmaga kömek edýär.

•  Mukaddes Kitapdaky umydyň bir adama erbet endigini ýeňmäge kömek edendigi hakda bilmek üçin, «Öz bolşumdan halys ýadadym» atly wideony görüň.

•  Mukaddes Kitapdaky umydyň ýakynymyzy ýitirenimizde kömek edişi hakda köpräk bilmek isleseňiz, «Hasrat çekýänler üçin umyt» diýen wideony görüň.

Umydyňyzy berkidiň!

Köp adamlar ýagşy dilegde bolsalar-da, umyt edýän zadynyň boljakdygyna şübhelenýärler. Emma biz Mukaddes Kitapdaky wadalaryň ýerine ýetjekdigine asla şübhelenmän bileris. Näme üçin? Sebäbi ondaky wadalary Ýehowanyň hut özi, ýagny «ýalan sözlemeýän Hudaý» berýära (Titus 1:2). Ýehowa çäksiz güýjüň eýesi bolansoň, hemişe «islegini amala aşyrýar» (Zebur 135:5, 6).

Biz siziň ýagty gelejege umydyňyzyň bolmagyny isleýäris. Eger siz «mukaddes kitaplardan gözleg geçirseňiz», onda wadalaryň ýerine ýetjekdigine hasam ynamly bolup bilersiňiz (Resullar 17:11). Munuň üçin size Mukaddes Kitapdan mugtuna okuw geçmegi teklip edýäris. 2023-nji ýyly ýagşy umytlar bilen garşy alyň!