Aýdýan sözleriň Ýehowany begendirsin!

Ýehowa adamlary täsin ýaradypdyr. Ol adamlara geplemek üçin dil beripdir. Hudaý biziň gepleýşimize, aýdýan sözlerimize üns berýärmikä? Elbetde! (Ýakup 1:26-ny oka). Aýdýan sözlerimiz Ýehowany begendirer ýaly näme etmeli?

1. Adamlar bilen nähili gepleşmeli?

Mukaddes Kitapda: «Bir-biriňizi ruhlandyryň, birek-biregi berkidiň» diýilýär (1 Selanikliler 5:11). Belki, sen tesellä, süýji sözlere mätäç adamlary tanaýansyň. Sen olary nädip ruhlandyryp bilersiň? Meselem, olara üns berip, haýsy häsiýetini gowy görýändigiňi aýdyp bilersiň. Şeýle-de Mukaddes Kitapda ruhlandyryjy aýatlar köp. Sen olaryň birki sanysyny okap berip bilersiň. Ýöne şuny unutma: adamlara aýdýan sözüň däl-de, şol sözleri nähili äheň bilen aýdyşyň has güýçli täsir edýär. Şonuň üçin hemişe mähirli hem ýumşak bol (Nakyllar 15:1).

2. Biz nämeden gaça durmaly?

Mukaddes Kitapda: «Agzyňyzdan göwne degiji söz çykmasyn» diýilýär (Efesliler 4:29-y oka). Diýmek, biz sögünç we hapa sözleri agzymyza-da almaly däl. Şeýle-de birini kemsidip, ýüregine ýara salýan sözleri aýtmaly däl. Mundan başga-da, gybat etmekden, birine töhmet atmakdan gaça durmaly (Nakyllar 16:28-i oka).

3. Hemişe ruhlandyryjy sözleri aýtmak üçin näme etmeli?

Adam köplenç ýüreginde we pikirinde näme bolsa şony aýdýar (Luka 6:45). Diýmek, biz aňymyzy we ýüregimizi gowy zatlardan doldurmaly. Munuň üçin biz dogry, päk, söýgä höweslendirýän, öwgä hem şöhrata mynasyp zatlar hakda oýlanmaly (Filipililer 4:8). Şeýle-de görýän, diňleýän zatlarymyza we gatnaşýan adamlarymyza ünsli bolmaly (Nakyllar 13:20). Geplemezden öň, aýtjak zatlarymyzyň başgalara nähili täsir etjekdigi hakda hem oýlanmaly. Mukaddes Kitapda şeýle diýilýär: «Oýlanman aýdylan söz gylyç kimin ýara salýandyr, paýhasly adamyň dili derde dermandyr» (Nakyllar 12:18).

SÖHBETDEŞLIK

4. Diliňi saklamagy öwren

Käte aýtmasyz zady aýdyp, soň ökünýändiris (Ýakup 3:2). Galatýalylar 5:22, 23-nji aýatlary okap, aşakdaky soraglar boýunça gürrüňdeş boluň.

• Diliňi saklar ýaly, şu häsiýetleriň haýsysy hakda doga etmek isleýärsiň? Şu häsiýetler saňa nädip kömek eder?

1 Korinfliler 15:33-i okap, aşakdaky sorag boýunça gürrüňdeş boluň.

• Gatnaşýan adamlaryň, görýän, diňleýän zatlaryň gep-sözüňe nähili täsir edip biler?

Nesihat 3:1, 7-nji aýatlary okap, aşakdaky sorag boýunça gürrüňdeş boluň.

• Haçan dymsaň we haçan gepleseň gowy bolar?

5. Adamlar hakda gowy zatlary aýt

WIDEO: «Başgalara „ruhlandyryjy sözleri aýdyň“» (4:07)

• Dogan näme üçin adamlar hakda gowy zatlary aýtmagy ýüregine düwdi?

• Munuň üçin ol näme etdi?

Nesihat 7:16-ny okap, aşakdaky sorag boýunça gürrüňdeş boluň.

• Adamlar barada erbet zatlary aýdasyň gelende nämäni ýada salmaly?

Nesihat 7:21, 22-nji aýatlary okap, aşakdaky sorag boýunça gürrüňdeş boluň.

• Sen barada erbet zatlary aýdanlarynda aýatdaky sözler nädip kömek edip biler?

6. Öýde-de mähirli gepleşiň

WIDEO: «Söýgi bildirmek we hormat goýmak maşgalany agzybir edýär» (3:08)

• Maşgalada mähirli gepleşmäge näme kömek eder?

Efesliler 4:31, 32-nji aýatlary okap, aşakdaky sorag boýunça gürrüňdeş boluň.

• Nähili gepleşenimizde maşgalamyz agzybir bolar?

Ýehowa ogly Isany gowy görýändigini açyk aýdypdyr. Matta 17:5-i okap, aşakdaky sorag boýunça gürrüňdeş boluň.

• Sen nädip Ýehowanyň göreldesine eýerip bilersiň?

ESASY PIKIRLER

Aýdýan sözlerimiz adamy ruhlandyryp ýa-da ruhdan düşürip bilýär. Şonuň üçin haçan, näme we nädip aýdýandygymyza ünsli bolmaly.

Gaýtalamak

• Aýdýan sözleriň bilen nädip adamlaryň göwnüni göterip bilersiň?

• Nämeden gaça durmak isleýärsiň?

• Hemişe mähirli bolup, adamlar hakda gowy zatlary aýtmaga näme kömek eder?

KÖPRÄK BILIŇ

Ruhlandyryjy sözleri aýtmaga näme kömek eder?

«„Paýhasly adamyň dili“ ruhlandyrýar» (8:04)

Sögünç sözleri aýtmaz ýaly näme etmeli?

«Sögünç sözleri aýtmak erbet zatmy?» (Internet makala)

Gürrüň gybata ýazmaz ýaly näme etmeli?

«Gybat etmekden nädip gaça durmaly?» (2:36)

Bir adam Ýehowanyň kömegi bilen sögünip geplemegi goýdy.

«Näme üçin ýaşaýandygym hakda oýlanyp başladym» («Garawul diňi» 1 awgust, 2013)