60-NJY SAPAK

Hudaý bilen dostlugyňy has-da berkit!

Çap edilen görnüşi

Sapak geçip başlanyň bäri, Ýehowa barada köp zatlary öwrenensiň. Şol bilim Hudaýa söýgiňi artdyrandyr, ömrüňi Ýehowa bagyş edip, suwa çümdürilmäge höweslendirendir. Eger entek suwa çümdürilmedik bolsaň, belki, şol hakda oýlanýansyň. Ýöne suwa çümdürileniňden soňam ruhy taýdan ösmegiňi dowam etmeli. Hudaý bilen ebedi dostlaşmaly. Nädip?

1. Ýehowa bilen dostlugyňy näme üçin berkidip durmaly?

Biz Ýehowa bilen dostlugymyzy berkitmek üçin hemişe tagalla etmeli. Şonda «Biribardan daşlaşmarys» (Ýewreýler 3:12). Ýehowa nädip wepaly gulluk edip bileris? Biz hoş habary wagyz etmeli we Hudaýa köpräk gulluk etmegi maksat goýmaly (Filipililer 3:16-ny oka). Dogrudanam, durmuşda Ýehowa gulluk etmekden gowy zat ýok! (Zebur 84:10).

2. Ýehowa bilen dostlugyňy berkitmek üçin ýene näme etmeli?

Şu gün sen «Ebedi ýaşaň!» kitabynyň iň soňky sapagyny geçýärsiň. Ýöne Hudaý bilen dostlugyň ebedi dowam edýändir. Şonuň üçin Mukaddes Kitapda aýdylyşy ýaly, «täze häsiýetleri geýmegi» dowam et (Efesliler 4:23, 24). Mundan beýlägem, Hudaýyň Sözüni öwrenseň we ýygnaklara barsaň, Ýehowa barada ýene köp zatlary öwrenersiň, Hudaýy has gowy tanarsyň. Ýehowanyň her bir häsiýetine eýerip, ondan görelde almaga jan et. Häsiýetleriňi üýtgedip näçe Ýehowa meňzeseň, ol şonça-da begener.

3. Ýehowa nädip kömek eder?

Mukaddes Kitapda: «Hudaý size doly tälim berer, berkider, güýç berer we çydamly eder» diýilýär (1 Petrus 5:10). Ýehowa bilen dostlugyňyzy gowşatjak ýagdaýlar bolup durar. Ýöne Ýehowa şol ýagdaýlardan baş alyp çykmaga kömek eder (Zebur 139:23, 24). Ýehowa saňa wepaly gulluk etmegiň üçin isleg we güýç berer (Filipililer 2:13-i oka).

SÖHBETDEŞLIK

Hudaý bilen dostlaşyp, hakykat ýolundan ýöremegi dowam edeliň. Şonda Hudaýdan egsilmejek bereket alarsyňyz.

4. Iň gowy Dostuňy ýatdan çykarma

Sen doga edip we Mukaddes Kitaby okap, Ýehowa bilen dostlaşdyň. Şu zatlar mundan beýlägem has ýakyndan dostlaşmaga nädip kömek eder?

Zebur 62:8-i okap, aşakdaky sorag boýunça gürrüňdeş boluň.

Ýakyn dostuň bilen gepleşýän ýaly, Ýehowa nädip doga edip bilersiň?

Zebur 1:2-ni okap, aşakdaky sorag boýunça gürrüňdeş boluň.

Iň gowy dostuň Ýehowany ünsli diňlemek üçin Mukaddes Kitaby nädip okap bilersiň?

Şahsy okuwy has gowy geçirer ýaly näme edip bilersiň? Munuň üçin WIDEONY görüň. Soňra aşakdaky soraglar boýunça gürrüňdeş boluň.

WIDEO: «Şahsy okuwyny has gowy edip geçiriň» (5:22)

Sen haýsy maslahatlara eýermek isleýärsiň?
Nämeler barada şahsy okuwyny geçiresiň gelýär?

5. Ýehowa köpräk gulluk etmegi maksat goýuň

Ýehowa köpräk gulluk etmegi maksat goýsaň, bir ýerde durmarsyň, ruhy taýdan ösersiň. WIDEONY görüp, aşakdaky sorag boýunça gürrüňdeş boluň.

WIDEO: «Iň gowy ýol» (3:31)

Uýa ruhy maksatlary goýup nähili bereketleri aldy?

Elbetde, Ýehowa köpräk gulluk etmek üçin hemmeler daşary ýurda göçüp bilmez. Ýöne köpräk gulluk etmek üçin başga maksatlary hem goýup bolýar. Nakyllar 21:5-i okaň. Soňra... nähili ruhy maksatlary goýup bolýandygy hakda gürrüňdeş boluň.