Ýolbaşçylyk maslahatynyň täze agzasy

2012-nji ýylyň 5-nji sentýabrynda çarşenbe güni ABŞ-nyň we Kanadanyň Beýtel maşgalasynda Ýehowanyň Güwäçileriniň Ýolbaşçylyk maslahatyna täze agza goşulandygy barada bildiriş edildi. 2012-nji ýylyň 1-nji sentýabrynda Mark Sanderson Ýolbaşçylyk maslahatynyň agzasy bolup, gulluk edip başlady.

Sanderson dogan San-Diýego (ABŞ, Kaliforniýa ştaty) şäherinde mesihçi maşgalada önüp-ösüp, 1975-nji ýylyň 9-njy fewralynda suwda çokundyryldy. Ol 1983-nji ýylyň 1-nji sentýabrynda Saskaçewanda (Kanadanyň welaýaty) pioner gullugyna başlady. Ol 1990-njy ýylyň dekabr aýynda ABŞ-da Gullugy kämilleşdiriş mekdebini (häzirki Sallah doganlar üçin mekdep) gutardy. 1991-nji ýylyň aprel aýynda Sanderson dogany Nýufaundlend adasyna (Kanada) ýörite pioner edip bellediler. Soňra ol aýlanýan gözegçiniň orunbasary bolup gulluk etdi we ony 1997-nji ýylyň fewral aýynda Kanadanyň Beýteline gulluk etmäge çagyrdylar. Sanderson dogan 2000-nji ýylyň noýabr aýynda ABŞ-daky filiala çagyryldy we şol ýerde Keselhana maglumaty gullugynda, soňra Gulluk bölüminde işledi.

Sanderson dogan 2008-nji ýylyň sentýabr, oktýabr aýlarynda Filial komitetiniň agzalary üçin mekdebi gutaransoň, Filippinde filial komitetiniň agzasy edip bellenildi. Ol 2010-njy ýylyň sentýabrynda ABŞ-nyň filialyna yzyna çagyrylýar we ol ýerde Ýolbaşçylyk maslahatynyň Gulluk komitetinde kömekçi bolup gulluk edýär.