Täze etrap kongresiniň meýilnamasy
1Ehowa öwgä mynasyp. Biz ony nädip şöhratlandyryp bileris? Ýehowany şöhratlandyranda, käbiri nähili kynçylyklara uçraýarlar? Şu günler Hudaýy şöhratlandyrýanlar nähili bereket alýarlar? 2008-nji gulluk ýylynda boljak etrap kongresi şu soraglara doly jogap berer. Onuň ady «Baryny Hudaýyň şöhraty üçin ediň» diýip atlandyrylýar (1 Kor. 10:31). Iki günlük ruhy baýramçylykda bize nämeler garaşýar?
Welaýat gözegçisi «Hudaýy näme üçin şöhratlandyrmaly?» we «Hudaýyň talaplaryny berjaý edip görelde görkeziň» diýen nutklar bilen çykyş eder. Ol «Şu günler kim Hudaýy şöhratlandyrýar?» diýen jemagat nutgy hem-de «Bütin ýer ýüzünde Hudaýy agzybirlikde şöhratlandyrýarys» diýen jemleýji nutk bilen çykyş eder. Şeýle-de ol Teokratik gulluk mekdebini geçirer. Etrap gözegçisi bolsa «Hudaýy şöhratlandyrmakdan lezzet tap», «Etrabyň zerurlyklary» we 2 Petrus 1:12-ä esaslanan «Hakykatda berkäň» diýen nutklar bilen çykyş eder. Mundan başga-da nädip «Pioner gullugy Hudaýy şöhratlandyrýandygyny» bileris. Şeýle-de iki bölümden ybarat bolan çuň pikirli nutk bolar. Onuň «Ähli zatda Hudaýy şöhratlandyryň» diýen birinji bölüminde 1 Korintoslylar 10:31-däki Hudaýyň ylhamy bilen ýazylan çuň manyly sözler düşündiriler. «Ýehowany şöhratlandyrýan mukaddes gulluk» diýen ikinji bölüminde seždäniň dürli taraplaryna serediler. Dynç güni gündelik aýada we «Garawul diňindäki» makala gysgaça serediler. Suwda çokundyrylmak üçin hem mümkinçilik bolar.
Köpleri Hudaý baradaky bilimi inkär edýärler. Olaryň köpüsi adamlaryň gazanan üstünliklerine üns berip, Hudaýyň beýikligi barada pikir hem etmeýärler (Ýahýa 5:44). Emma biz «baryny Hudaýyň şöhraty üçin eder» ýaly wagt sarp etmegiň peýdalydygyny bilýäris. Meýilnamanyň bir bölümini-de geçirmän, mümkin boldugyndan, köpräk peýda aljak boluň.