Wagyz üçin teklipler

«Siziň pikiriňizçe, hemme dinler Hudaýa ýaraýarmy? (Jogap bersin). Gadymy ysraýyllylar goňşy halklaryň dini däp-dessurlaryna eýerende, olaryň dinine Hudaýyň nähili garandygyna üns beriň». Zebur 78:58, 59-nji aýatlary oka we soňra «Biziň Hudaýa nähili iman edýändigimiz onuň üçin wajypmy?» diýen soragy ara alyp maslahatlaş.

«Elbetde, siz ýetginjeklik ýyllary diňe ýaşlar üçin däl, eýsem, olaryň ata-enesi üçinem kyn bolýandygy bilen ylalaşarsyňyz. Siziň pikiriňizçe, şu maslahat ata-eneler üçin peýdaly bolarmy?» Ýakup 1:19-y oka we jogap bersin. Soňra Mukaddes Ýazgylara esaslanan başga peýdaly maslahatlary ara alyp maslahatlaş.

«Biziň ählimiz dogan-garyndaşlarymyz aýrylanda gam çekýäris. Siziň pikiriňizçe, şeýle ýagdaýda Mukaddes Ýazgylar bize kömek edip bilermi?» Jogap bersin we Zebur 55:22-ni oka. Soňra şeýle agyr ýitgä döz gelmäge kömek edýän Mukaddes Ýazgylara esaslanan maslahatlara seredip bilersiň.

«Aýratynam, şu günler maşgalalara kyn we olaryň köpüsi iň soňy aýrylyşýarlar. Siziň pikiriňizçe, şu maslahata eýerilse, maşgala bagtly bolup bilermi?» Süleýmanyň tymsallary 12:18-i oka we jogap bersin. Soňra maşgalany berkitmäge kömek edýän Mukaddes Ýazgylara esaslanan başga maslahatlar barada pikir alyş.