Wagyz üçin teklipler

«Adamlar erbet täsir edende, dogry hereket etmek kyn bolýar. Siziň pikiriňizçe, şeýle ýagdaýa düşmez ýaly näme kömek eder?» Jogap bersin. Soňra Süleýmanyň tymsallary 29:25-i oka we adama garanda Hudaýdan gorkmagyň peýdalydygynyň birnäçe sebäbini düşündir. (wp09-U 1.3 s. 12)

«Biziň her birimiz gowy dostlarymyzyň bolmagyny isleýäris. Siz dostuňyzyň haýsy häsiýetlerini gowy görýärsiňiz? (Jogap bersin.) Mukaddes Ýazgylarda bu barada näme diýilýändigine üns beriň». Süleýmanyň tymsallary 17:17-ni oka we Mukaddes Ýazgylaryň gowy dost saýlamak, özümiz hem nädip gowy dost bolup biljekdigimiz baradaky ençeme maslahatlary hakda pikir alyş. (g09 03-U s. 18)

«Siz Isanyň şu sözleri barada näme pikir edýärsiňiz? (Ýahýa 3:3-i oka.) Siziň pikiriňizçe, gaýtadan dogulmak näme aňladýar? (Jogap bersin.) Bu sözleriň manysyna dogry düşünsek, biziň ýaşaýşymyza we gelejegimize täsir edýär. Mukaddes Ýazgylarda munuň sebäbi düşündirilýär». (wp09-U 1.4)

«Çagalaryň köpüsi mekdepde kynçylyklara duş gelýärler. Siziň pikiriňizçe, olaryň ata-enesiniň okan günlerinden bäri döwür üýtgedimikä? (Jogap bersin.) Şeýle kynçylyklar erbet netijä eltip biler». Zebur 106:32, 33-nji aýatlary oka we ulularyň ýaşlara nädip kömek edip biljekdigini aýt. (g09 04-U)