Mukaddes Ýazgylary ökdelik bilen ulan
1. Mukaddes Ýazgylar näme üçin örän peýdaly?
1 Hudaýyň ylhamly Sözüni ökdelik bilen ulansak, hakykaty yglan etmäge we ony aýdyň öwretmäge, ýalan taglymatlary hem-de ynsan däp-dessurlaryny paş etmäge kömek eder (2 Tim. 2:15; 1 Pet. 3:15).
2. Mukaddes Ýazgylardan aýatlary çalt tapmaga näme kömek eder?
2 Ýazgylary gowy bilmäge çalyş. Guraly näçe köp ulansak, şonça-da ökdeleşeris. Eger sen Mukaddes Ýazgylary başdak-aýak okap çyksaň, onuň esasy temasyna gowy düşünersiň. Şeýle-de bu saňa aýatlary ýatda saklamaga we olary aňsatlyk bilen tapmaga kömek eder. Mukaddes Ýazgylary gowy bilseň, resmi däl ýagdaýda we wagyz edende-de, ynamly hem-de yhlasly güwälik edersiň (1 Sel. 1:5).
3, 4. a) Mukaddes Ýazgylary nädip ökdelik bilen ulanyp bileris? b) Sen Ýazgylary gowy bilmek üçin ýene-de näme edýärsiň?
3 Ýygnak duşuşyklarynda Mukaddes Ýazgylary açyp, aýatlary yzarlamagy endik edin. Şahsy okuwyňda we duşuşyklara taýýarlananyňda, getirilen aýatlary okap, olary nädip ulanjakdygyň barada oýlan. Köp wagyzçylar aýatlary kompýuterden ýa-da printerde çap edilen kagyzdan däl-de, Mukaddes Ýazgylaryň özünden okap, wagyzda aýatlary aňsatlyk bilen tapyp bolýandygyna göz ýetirdiler (Ýahýa 14:26).
4 Käbir maşgalalar ýörite wagt tapyp, Mukaddes Ýazgylaryň aýatlaryny ýat tutýarlar. Munuň üçin olar kiçijik kagyzyň bir tarapyna aýady, beýleki tarapyna bolsa aýadyň sözlerini ýazýarlar. Olar gezekli-gezegine aýatlary ýatdan aýdýarlar ýa-da onuň nirede ýerleşýändigini ýada salýarlar. Hödüri öýde sahnalaşdyryp ýa-da sözümizi bölenlerinde Mukaddes Ýazgylaryň kömegi bilen soraglara jogap bersek, Hudaýyň Sözüni ulanmakda has-da ökdeleşeris.
5. Biz Mukaddes Ýazgylary näme üçin ökdelik bilen ulanmak isleýäris?
5 Mukaddes Ýazgylar deňsiz-taýsyz kitapdyr. Diňe onda «gutulyş üçin... akyldar edýän» sözler bar (2 Tim. 3:15). Biziň ýaşaýan ýerimizde köp adamlar Hudaýyň Sözünde gymmatly hazynanyň bardygyny bilmeýärler, şol sebäpli biz Mukaddes Ýazgylaryň hakykatyny ökde wagyz etmäge çalyşmaly (Sül. tym. 2:1—5).