Resmi web-sahypamyz hemmelere peýdaly

Isa Mesih bize Patyşalyk baradaky hoş habary «hemme milletlere güwälik hökmünde dünýäniň ähli ýerinde wagyz etmegi» tabşyrdy (Mat. 24:14). Şu «hyzmaty bitirmek» üçin www.watchtower.org, www.jw-media.org we www.jw.org birleşdirilip, täzelenen www.jw.org web-sahypa (Internet sahypa) açyldy (2 Tim. 4:5).

«Dünýäniň ähli ýerinde». Ýer ýüzüniň ilatynyň üçden bir bölegi Interneti ulanýar. Köp adamlar, esasanam, ýaşlar maglumaty Internetden gözleýärler. Interneti ulanýan adamlar biziň web-sahypamyzy açyp, Mukaddes Ýazgylar boýunça soraglaryna dogry jogap tapyp biler. Onsoňam, olar Ýehowanyň guramasy bilen tanşyp bilerler we Mukaddes Ýazgylary mugtuna öýde öwrenmegi aňsatlyk bilen haýyş edip bilerler. Indi hoş habar az wagyz edilýän ýerlere-de ýeter.

«Hemme milletlere». Hoş habary «hemme milletlere» wagyz etmek üçin hakykaty dürli dillerde ýaýratmaly. Şonuň üçin www.jw.org sahypasyna giren adamlar ýüzlerçe dilde ýazylan maglumaty okap biler. Hiç bir web-sahypa şeýle köp dilde çykýan däldir.

Gowy ulanyň. Täzelenen www.jw.org web-sahypa diňe bir Ýehowa ynanmaýanlar üçin däl. Ony Ýehowanyň Güwäçileri hem ulanyp biler. Aşakda web-sahypany ulanmak babatda käbir maslahatlar berilýär. Eger sende Internet bar bolsa, biz senden www.jw.org ulanyp görmegi haýyş edýäris.

[3-nji sahypadaky shema]

(Teksti doly görmek üçin edebiýata serediň)

Ulanyp gör

1 Kompýuteriňde Internete çykýan programmanyň adres setirine www.jw.org ýaz-da gir.

2 Dürli temalara, bölümlere we salgylara girip, web-sahypa bilen tanyş.

3 Internetli el telefonyňda www.jw.org web-sahypany ulanyp gör. Web-sahypa ekrana görä kiçelse-de, maglumat üýtgemeýär.