«Biziň gelmegimiziň sebäbi...»

Biz öýden-öýe wagyz edenimizde, öý eýesi gapyny açyp: «Bular kimkä? Näme üçin geldilerkä?» diýip, geň galmagy mümkin. Biz näme maksat bilen gelendigimizi nädip düşündirip bileris? Adatça käbir wagyzçylar salamlaşyp, hal-ýagdaýy soraşanlaryndan soňra, «sebäbi» baglaýjysynyň üsti bilen näme üçin gelendiklerini düşündirýärler. Meselem, olar: «Biziň gelmegimiziň sebäbi, adamlaryň käbiri jenaýatçylykdan ýaňa aladalanýarlar. Siz nähili pikir edýärsiňiz?» ýa-da «Biziň gelmegimiziň sebäbi mugtuna Mukaddes Ýazgylar okuwyny hödür edýäris» diýýärler. Eger olaryň özi näme üçin gelendigimizi sorasalar, onda aýtjak zatlarymyzy höwes bilen diňlärler.