Giriş sözlerini taýýarlap, wagyz etmek tejribäňizi artdyryň

Bu näme üçin wajyp? Biz wagyzda giriş sözlerimiz bilen adamy gyzyklandyryp bilmesek, onda ol gürrüňdeşligi bes eder. Şol sebäpli köp wagyzçylar giriş sözlerini ünsli saýlamagy wajyp hasaplaýarlar. «Hudaýa gullugymyzda» teklipler berilse-de, olarda köplenç giriş sözleri jikme-jik aýdylmaýar. Şol sebäpli biz bu babatda paýhasly bolmaly. Hatda teklip doly berlen bolsa-da, wagyzçylar ony üýtgedip ýa-da öz teklibini taýýarlap biler. Eger biz giriş sözlerini ünsli saýlap, gürrüňdeşlige gowy taýýarlansak, adam gapyny açanda oýlanyşyksyz gürlemeris we wagzymyz netijeli bolar (Sül. tym. 15:28).

Muny nädip etmeli?

Gürrüň etjek temaňyzy saýlaň. Temany teklip etjek edebiýatyňyza we ýaşaýan ýeriňizdäki adamlaryň gyzyklanýan zatlaryna görä saýlamaly.
Adam bilen salamlaşanyňyzdan soň, aýtjak sözleriňizi gowy taýýarlaň. Meselem, siz şeýle diýip bilersiňiz: «Meniň gelmegimiň sebäbi...», «Köp adamlar... hakda aladalanýarlar», «Men... barada siziň pikiriňizi bilesim gelýär». Adamlara gysga we ýönekeý sözler güýçli täsir edýär. Käbir wagyzçylar giriş sözlerini taýýarlap, olary ýat tutýarlar.
Adamyň pikirini bilmek üçin sorag bersek, gürrüňdeşlige başlap bileris (Mat. 17:25). Siz adam bilen gürrüňe başlamankaňyz, onuň başga zatlar barada-da oýlanýandygyny unutmaň. Şol sebäpli adama kyn ýa-da ony gorkuzýan sorag bermeli däl.

Aýyň dowamynda şuny etmäge çalşyň:

Maşgala okuwyny geçireniňizde, giriş sözlerini taýýarlamaga we olary gaýtalamaga wagt sarp ediň.
Wagyzda aýtjak giriş sözleriňizi ýanyňyzdaky wagyzçylar bilen paýlaşyň (Sül. tym. 27:17). Eger giriş sözleriňiz hiç hili netije bermese, onda ony üýtgediň.