SAPAK 14

Esasy pikirleri nygtaň

Ýewreýler 8:1

BELLIK: Diňleýjilere esasy pikirleri yzarlamaga we olaryň her biriniň tema bilen nähili baglanyşygynyň bardygyna düşünmäge kömek etmeli.

Maksadyňyzy unutmaň. Ilki bilen, nutugyňyzyň maksadyny anyklaň we şoňa görä taýýarlanyň. Onda ýöne bir maglumat berilýärmi? Ol bir zada ynandyrmak ýa-da höweslendirmek üçin niýetlenenmi? Esasy pikirleriň goýan maksadyňyza ýetmäge kömek etjekdigine göz ýetiriň.

Özüňize şeýle soraglary beriň: «Diňleýjilerde şu tema bilen bagly nähili soraglar ýa-da nädogry garaýyşlar döräp biler? Soragyň jogabyny bilensoň, olarda ýene sorag dörärmi?» Diňleýjiler nutukda aýdylýan pikirlere aýdyň düşünip, maglumaty kabul edip biler ýaly, pikirleri yzygiderli beýan ediň.
Temanyň esasy pikirini belläp geçiň. Nutugyňyzyň dowamynda temany nygtaýan esasy sözi ýa-da şol sözüň sinonimlerini gaýtalaň.
Esasy pikirleri ýönekeý hem aýdyň düşündiriň. Berlen wagtyň çäginden çykman, ökdelik bilen öwreder ýaly, çykyş edýän temaňyza degişli diňe esasy pikirlere üns beriň. Esasy pikirler köp bolmasyn. Olaryň her birini aýdyň düşündiriň, arasynda säginiň we bir pikirden indiki pikire böküp geçmäň.

Diňleýjileriň ýadynda gowy galar ýaly, nutugyň başynda esasy pikirleri nygtap geçiň we soňunda ýene-de gysgaça gaýtalap bilersiňiz.