Mukaddes Ýazgylar okuwyny geçirmegi maksat edin
1 «Gözüňizi galdyryň-da, ekin meýdanlaryna serediň, olar eýýäm ormaga ýetişipdir» (Ýahýa 4:35). Isa Mesihiň bu sözlerini şu günki mesihçileriň ýagdaýyna deňese bolýar.
2 Ýehowanyň ýollaryny öwrenmek isleýän akýürekli adamlar häzir hem bar. Muny her ýyl suwda çokundyrylýan täze şägirtleriň artýandygyndan bilse bolýar. Eger sen ýürekden Mukaddes Ýazgylar okuwyny geçirmek isleýän bolsaň, näme edip bilersiň?
3 Maksat edin. Ilki bilen, Mukaddes Ýazgylar okuwyna başlap, ony yzygiderli geçirmegi maksat edin. Wagyz gullugynda bu maksady ýadyňdan çykarma. Biz mesihçiler hökmünde wagyz etmek bilen bir hatarda okuw hem geçirmeli, şol sebäpli ählimiz, mümkin boldugyndan, köpräk Mukaddes Ýazgylar okuwyny geçirjek bolmaly (Mat. 24:14; 28:19, 20).
4 Ýene nämäni unutmaly däl. Patyşalygyň wagyzçylarynyň ählisi ýürekden doga etmeli. Biz käwagt Mukaddes Ýazgylara düşünmek üçin Hudaýa doga edýän adamlara duş gelýäris. Ýehowanyň kömegi bilen şeýle adamlary tapyp, olar bilen okuw geçirmek nähili bagt! (Hag. 2:7; Res. iş. 10:1, 2).
5 Bir uýa Mukaddes Ýazgylar okuwyny geçirmek barada doga edýär we «Mukaddes Ýazgylar barada köpräk bilesiňiz gelýärmi?» diýen kitapçany işinde görner ýaly ýerde goýýar. Işdeşi bir aýal kitapçany okandan soň kupon doldurjak bolanda, uýamyz onuň bilen gürrüňdeş bolup, Mukaddes Ýazgylar okuwyny başlaýar.
6 Mukaddes Ýazgylar okuwyny ussatlyk bilen başlap, ony geçirýän wagyzçylar saňa Mukaddes Ýazgylar okuwyny geçirmek maksadyňa ýetmäge kömek edip biler. Mukaddes Ýazgylar barada köpräk bilmek isleýän adamlara kömek etmek üçin Hudaýa doga edip, bu maksada ýeter ýaly onuň berýän ähli kömegini ulanyň. Mümkin, sen tizden Mukaddes Ýazgylar okuwyny geçirmekden şatlanarsyň.