Wagyz üçin teklipler

«Käbir adamlar şu günler ýygy-ýygydan bolýan tebigy betbagtçylyklar Hudaý tarapyn öýdýärler. Siz nähili pikir edýärsiňiz?» (Jogap bersin). Soňra 1 Ýahýa 4:8-i okap, adamlara horluk çekdirýän tebigy betbagtçylyklara näme üçin Hudaýyň günäkär däldiginii düşündiriň.

Matta 6:10-y okaň, soňra şeýle sorag beriň: «Ýer babatda Hudaýyň isleginiň nämedigi barada oýlandyňyzmy? (Jogap bersin). Mukaddes Ýazgylara görä, ilki başdan Ýer babatda Hudaýyň niýeti bardy we ol niýetini üýtgemedi». Soňra Zebur 37:29; Süleýmanyň tymsallary 2:21; Matta 5:5 ýa-da Ylham 21:3-nji aýatlardaky berlen Hudaýyň wadalaryna üns beriň.

«Adamlaryň köpüsi Mukaddes Ýazgylardaky Nuhuň döwründe bolan Tupan barada bilýärler. Siz Tupanyň hakykatdan bolandygyna ynanýarsyňyzmy? (Jogap bersin). Isanyň hakykatdan Tupanyň bolandygyny aýdanyna üns beriň». Luka 17:26, 27-nji aýatlary okaň we näme üçin Tupanyň bolanyna ynanmalydygyny hem-de ondan biziň näme öwrenip biljekdigimizi düşündiriň.

«Çagalary, aýratynam ýetginjekleri terbiýelemek aňsat däl. Siziň pikiriňizçe, ata-eneler ynamly görkezmäni nireden tapyp bilerler?» (Jogap bersin). Soňra Iş. 48:17, 18-nji aýatlary okaň we Mukaddes Ýazgylardaky maslahatlar ata-enelere çagalaryny paýhasly terbiýelemäge nädip kömek edýändigini düşündiriň.