«Imanda berkemäge» kömek ediň

Ýygym işine Ýehowanyň ak pata berýändigini görmek örän ruhlandyrýar. Her ýyl 250 müňden gowrak adam suwda çokundyrylýar (Kan. tag. 28:2). Öňler wagyzçylar okuw geçýän adam suwda çokundyrylandan soňra, onuň bilen okuw geçmegini bes edýärdi. Sebäbi olar wagtyny başga adamlara okuw geçmäge ýa-da köpräk wagyz etmek üçin sarp edýärdi. Emma okuw geçýän adamlar hakykaty çuňňur özleşdirmeli. Olar Isa Mesihde «kök urmaly» we «imanda berkemeli» (Kol. 2:6, 7; 2 Tim. 3:12). Şol sebäpli okuw geçýän adam suwda çokundyrylsa-da, «Mukaddes Ýazgylar öwredýär» we «Hudaýyň söýgüsi» atly kitaplary geçip gutarmaly. (2011-nji ýylyň aprel aýyndaky «Hudaýa gullugymyzyň» 2-nji sahypasyna serediň).