Wagyz üçin teklip

◼ «Köp adamlar perişdelere ynanýarlar. Siz hem ynanýarmysyňyz? (Jogap bersin). Elbetde, perişdeler örän güýçli, ýöne siziň pikiriňizçe, olar bize kömek edip bilýärmi? Mukaddes Ýazgylarda perişdeleriň adamlara nädip kömek edýändigi aýdylýar». «Mukaddes Ýazgylar öwredýär» kitabynyň 10-njy babyndaky suraty görkeziň (sah. 99) we 4—6 abzaslara esaslanyp pikir alşyň. Azyndan bir aýady okaň we indiki sözbaşy barada pikir alyşmak üçin ikilenç idege gepleşiň.

◼ «Siziň pikiriňizçe, adamlaryň ýer ýüzüne ýetirýän zyýanyny düzedip bolarmy? (Jogap bersin). Adamlar ýetirýän zyýanyny düzedip bilmeseler-de, Mukaddes Ýazgylarda Hudaýyň muňa güýjüniň ýetýändigi we düzetmek isleýändigi aýdylýar. Biz muny Zebur kitabyndan bilýäris (Zebur 65:9-y okaň). Bu kitapda Hudaýyň ýer ýüzüniň aladasyny edýändigi we gelejekdäki bereketleri nädip alyp bilýändigimiz düşündirilýär». «Mukaddes Ýazgylar öwredýär» kitabynyň 3-nji babynyň 1, 2-nji abzaslaryna esaslanyp pikir alşyň we ikilenç idege gepleşiň.

◼ «Köp adamlar başlygynyň çendenaşa köp işlemegi talap edýändigini we näme etjegini bilmeýändiklerini aýdýarlar. Lukmanlaryň aýtmagyna görä, çendenaşa köp işlemeklik adamyň örän ýadap, göwnüçökgünlige düşmegine ýa-da kesellemegine sebäp bolýar. Siziň pikiriňizçe, şeýle adamlara kömek edip bolarmy? (Jogap bersin). Bu aýatdaky oýlandyryjy pikire üns beriň» (Süleýmanyň tymsallary 15:16-y okaň). Soňra «Mukaddes Ýazgylar öwredýär» kitabynyň 6-njy sahypasyndaky soraglara esaslanyp pikir alşyň we soraglaryň haýsysy has-da gyzyklandyrýandygyny soraň. Ikilenç idege gepleşiň.