Wagyz üçin teklip

◼ «Biz adamlar bilen ajaýyp gelejek barada gysgaça pikir alyşýarys. Siziň pikiriňizçe, adalatsyzlygy we zorlugy aýryp bolarmy?» (Jogap bersin). Soňra Matta 6:9, 10-njy aýatlary okap, Isa pygamberiň şägirtlerine Hudaýyň gökdäki Patyşalygy barada dileg etmegi öwredendigini aýdyň. «Mukaddes Ýazgylar öwredýär» kitabynyň 76-njy sahypasyndaky üç sany soragy görkeziň we 8-nji babyň 4, 5-nji abzaslaryna esaslanyp pikir alşyň. Azyndan bir aýady okaň. Indiki sözbaşy barada pikir alyşmak üçin ikilenç idege gepleşiň.

◼ «Biz adamlar bilen Isa pygamberiň öz şägirtlerine öwreden şu dilegi hakda gysgaça pikir alyşýarys (Matta 6:9, 10-njy aýatlary oka). Siz Hudaýyň gökdäki Patyşalygy barada we Isa pygamberiň oňa näme üçin aýratyn üns berendigini eşidipdiňizmi? (Jogap bersin). Bu kitapda Hudaýyň gökdäki Patyşalygynyň nämedigi we onuň ýer ýüzüne ajaýyp bereketler getirjekdigi gürrüň berilýär». Soňra «Mukaddes Ýazgylar öwredýär» kitabynyň 8-nji babyna esaslanyp, gürrüňdeşligi dowam ediň we ikilenç idege gepleşiň.

◼ «Biz adamlar bilen: „Üstünlik gazanmak üçin näme etmeli?“ diýen sorag barada gysgaça pikir alyşýarys. Siziň pikiriňizçe, adam üstünlik gazanmak üçin baý bolmalymy? (Jogap bersin). Mukaddes Ýazgylar maddy zatlara dogry garamagy öwredýär (Luka 12:15-i oka). Şu aýatdan görnüşi ýaly, hakyky üstünlik adamyň zadynyň köplügine bagly däl». Soňra ikilenç idege gepleşiň.