Domofon arkaly wagyz edip, tejribäňizi artdyryň

Bu näme üçin wajyp? Biz domofon arkaly wagyz etmäge gorkmagymyz mümkin. Biz gorkmaz ýaly näme etmeli? Domofon arkaly wagyz etmek adamlara hoş habary aýtmagyň bir usulydygyny ýatdan çykarmaň (Rim. 10:14). Käbir mysallar bu usulyň gowy netije berýändigini görkezýär. Aşakdaky maslahatlara serediň.

Muny nädip etmeli?

Gysgaça teklip taýýarlap, ony kagyza ýazyň we domofon arkaly adam bilen gürleşeniňizde, ondan okap beriň. Bu size ynamly bolmaga kömek eder. Ilki bilen, näme maksat bilen gelendigiňizi aýdyň. Eger jaýyň gapysynda öý eýesiniň ady ýazylan bolsa, onuň adyny tutuň. Wagyz edeniňizden soň, ikilenç idege gepleşiň.
Dogry garaýyşda boluň. Ýylgyryň we özüňizi adam bilen ýüzbe-ýüz gürleşýän ýaly alyp baryň.
Aljyraman arkaýyn gürrüňdeş boluň. Düşnükli we gowy eşidiler ýaly gürläň. Köp säginmäň, ýöne çalt hem gürlemäň.
Paýhasly boluň. Uly jaýlarda ýaşaýjylar kän bolýar. Şonuň üçin siz üç gapa jaň edensoň, bellikler edip, gitseňiz gowy bolar. Eger biz domofondan her bir öýe jaň edip dursak, jaýyň ýaşaýjylary biynjalyk bolarlar.

Aýyň dowamynda şuny etmäge çalşyň:

Maşgala okuwynda bir-biriňize seretmän, domofon arkaly wagyz edýän ýaly sahna gurnaň.