Wagyz etmek tejribämizi artdyrýarys. Telefon arkaly wagyz edýäris

NÄME ÜÇIN WAJYP? Telefon arkaly wagyz «hoş habary birkemsiz» wagyz etmegiň wajyp usullarynyň biri hasaplanylýar (Res 20:24)a. Şeýle usul adamlar bilen ýüzbe-ýüz görşüp bolmaýan ýagdaýlarda has-da peýdaly bolýar.

NÄDIP ETMELI?

• 

  Taýýarlyk görüň. Adamlary gyzyklandyrýan temany saýlaň. Soňra näme diýjekdigiňiz hakda oýlanyň. Siz başda näme sebäpden jaň etjek bolýandygyňyzy düşündirip, gysgaça sms ýazyp bilersiňiz. Şeýle-de arkaýyn oturyp wagyz eder ýaly, amatly şertleri dörediň, ýagny JW Library^® programmasyny ýa-da jw.org^® saýtyny açmak üçin elektron enjamlary ýanyňyzda bolsun.

• 

  Özüňizi rahat duýuň. Adaty gepläň. Telefonda wagyz edýän adamy görýän ýaly ýylgyryň we el-ýüzüňizi hereketlendiriň. Köp säginmäň. Ýanyňyza bir wagyzçyny çagyryň. Telefonda gepleşýän adam sorag berende, soragy sesli gaýtalaň. Şonda ýanyňyzdaky wagyzçy hem soragy eşidip, onuň jogabyny ýa-da şoňa degişli aýady tapmaga kömek eder.

• 

  Gaýtadan idege gepleşiň. Adam gyzyklananda, ýene-de jaň edip wagyz etmek üçin sorag berseňiz gowy bolar. Şeýle-de onuň elektron poçtasyna, telefonyna edebiýatlaryň birini ugradyp bilersiňiz ýa-da öýüne eltip bilersiňiz. Internet makalalaryň salgysyny ýa-da wideolary hem ugradyp bilersiňiz. Mümkinçilik dörände, saýtymyzyň başga-da aýratynlyklaryny gürrüň beriň.