Wagyz etmek tejribämizi artdyrýarys. Ugurtapyjy boluň

NÄME ÜÇIN WAJYP? Mesh edilen we ýer ýüzünde ýaşamaga umyt edýän mesihçiler ähli adamlary «ýaşaýyş suwuny mugt almaga» çagyrýarlar (Ylh 22:17). Bu suw göçme manyda Ýehowanyň özüne gulak asýan adamlary günäden hem ölümden azat etmek üçin eden ähli işlerini aňladýar. Her dürli däp-dessurlara eýerýän we dini ynançlary bolan adamlaryň her birine aýratynlykda «ebedi hoş habary» yglan etmek üçin jan etmeli (Ylh 14:6).

NÄDIP ETMELI?

• Ýaşaýan ýeriňizdäki adamlaryň ýüregine täsir etmek üçin ýerlikli temany hem-de aýatlary saýlaň. «Okuw depderiniň» 1-nji sahypasyndaky gürrüňdeşlik üçin teklipleri ýa-da adamlaryň gowy diňleýän teklibini ulanyň. Adamlar haýsy temalary ýa-da aýatlary has gowy diňleýär? Adamlar ýaňy-ýakynda bolan haýsy täzelik hakda gürrüň edýär? Erkek adamlar ýa-da aýal maşgalalar üçin nähili teklipleri ulansaňyz gowy bolar?

• Salamlaşyň we ýaşaýan ýeriňizdäki adatlara görä gürrüňe başlaň (2Kr 6:3, 4).

• Gyzyklanan adama berjek edebiýatlaryňyz hem-de öwretmek üçin niýetlenen wideolar bilen ilki özüňiz gowy tanşyň.

• Ýaşaýan ýeriňizdäki adamlaryň gepleýän dilindäki maglumatlary ýükläp alyň.

• Adamyň ýagdaýyna görä teklibiňizi üýtgediň (1Kr 9:19—23). Meselem, biriniň ýakynda dogan-garyndaşynyň aradan çykandygyny bilseňiz näme diýerdiňiz?

WIDEONY GÖRÜP, ŞU SORAGLARA JOGAP BERIŇ:

• Wagyzçy gürrüňe başlamak üçin haýsy temany saýlady?

• Öý eýesiniň durmuşynda nähili kynçylyk bolýar?

• Şeýle ýagdaýda haýsy aýat kömek edip biler we näme üçin?

• Siz ýaşaýan ýeriňizdäki adamlaryň ýagdaýyna görä teklibiňizi nädip üýtgedýärsiňiz?