Bejergi meselesinde öňünden karara geliň

Näme üçin taýýarlanmaly? Adam duýdansyz keselläp ýa-da betbagtçylyga uçrap hassahana düşüp bilýär. Şonuň üçin hassahana düşmänkäňiz, gowy bejergi alar ýaly, öňünden taýýarlyk görmeli. Şonda ýaşaýşa hormat goýýandygyňyzy we Ýehowanyň gan baradaky tabşyrygyna sowuk-sala garamaýandygyňyzy görkezersiňiz (Res 15:28, 29).

Nädip taýýarlanmaly?

• Doga edip, oýlanyp, «Gansyz bejergi almak üçin ynanç hatyny» (DPA) dolduryňa. Suwa çümdürilen her bir wagyzçy özi üçin «Ynanç hatyny» (DPA), kiçi çagalary üçin bolsa «Şahsy güwänamany» (ic) ýygnagyň kätibinden alyp biler

• Eger siz göwreli bolsaňyz, ýygnak ýaşulusyndan «Göwreli eneler üçin maglumat» (S-401) diýen resmikagyzy alyp bilersiňiz. Ondaky maslahatlar göwrelilik döwri we çaga dogranyňyzda dogry karara gelmäge kömek eder

• Eger siz bejergi almaly ýa-da hassahanada ýatmaly bolsaňyz, ýaşulularyňyza habar beriň. Şeýle-de lukmanyňyza bejergi meselesinde bir doganyň habarlaşjakdygyny öňünden aýdyň

Ýaşulular nädip kömek edip biler? Olar «Ynanç hatyny» (DPA) nädip doldurmalydygyny öwredip biler. Ýöne olar haýsy bejergini almalydygyny öwredip ýa-da size derek karara gelip bilmeýär (Rim 14:12; Gal 6:5). Gan meselesi ýüze çykanda ýaşulular derrew «Keselhanalar bilen işleşýän komitetdäki» (KIK) doganlar bilen habarlaşar.

KIK nädip kömek edýär? Şol komitetdäki doganlara ýörite tälim berilýär. Olar lukmanlara we hökümet işgärlerine gan baradaky garaýşymyzy düşündirýärler. Şeýle-de doganlar gansyz bejerginiň birnäçe görnüşleriniň bardygyny düşündirip, olary teklip edip biler. Gerek bolsa, gansyz bejergi berýän lukman tapmaga-da kömek edýärler.

«GAN MESELESINDE NÄDIP DOGRY KARARA GELMELI» DIÝEN WIDEONY GÖRÜP, ŞU SORAGLARA JOGAP BERIŇ:

• Gansyz bejergi almaga öňünden nädip taýýarlanyp bileris?

  Your answer