MESIHÇILERIŇ DURMUŞY
Ýehowa kyn günümizde kömek edýär
Soňky günlerde biz köp kynçylyklara uçraýarys. Käte synaglar çekip-çydardan has agyr ýaly görünmegi mümkin. Ýöne Ýehowa bilen dostlugymyz berk bolsa, has agyr ýagdaýlara-da döz gelmäge güýç berer (Işa 43:2, 4). Synaglarda Ýehowa bilen dostlugyňy nädip berkidip bolýar?
Doga-dileg. Ýehowa derdimizi aýdanymyzda, ol kalbymyza rahatlyk we çydamaga güýç berýär (Flp 4:6, 7; 1Sl 5:17).
Ýygnak duşuşyklary. Häzir ýygnak duşuşyklaryna baryp, Ýehowanyň ruhy saçagyndan iýmitlenmegiň, dogan-uýalar bilen görüşmegiň tüýs wagty (Ýew 10:24, 25). Ýygnak duşuşyklaryna taýýarlansak, yzygider barsak, ruhlandyryjy jogaplary bersek, Ýehowanyň mukaddes ruhundan doly peýda alarys (Ylh 2:29).
Wagyz gullugy. Kynçylykda-da hoş habary wagyz etmek üçin elimizde baryny etsek, gowy zatlar hakda pikir edip, gaýgy-alada basylmarys. Şeýle-de biz hem Ýehowa, hem dogan-uýalar bilen dostlugymyzy berkideris (1Kr 3:5—10).
«ÝEHOWA SENI KABUL EDER» DIÝEN WIDEONY GÖRÜP, ŞU SORAGLARA JOGAP BERIŇ:
Malu uýa kyn gününde Ýehowa ýakynlaşmaga näme kömek etdi?
Zebur 34:18-däki sözler oňa nähili täsir etdi?
Malu uýanyň wakasy kynçylyklary «Hudaýyň güýji bilen» ýeňip bolýandygyny nädip görkezýär? (2Kr 4:7).