duran adamyň imanyny gymmat saýýar (1 Pet. 1:6, 7). Dogan-uýalara muny ýatlatmak örän wajypdyr.

Gelejekdäki umyt barada joşgunly gürrüň beriň. Ýehowanyň gelejek babatda berýän wadalary Hudaýy söýýän adamlaryň ählisini örän ruhlandyrýar. Ähtimal, diňleýjileriňiz bu wadalary ýygy-ýygydan eşidýändir. Emma olary joşgunly gürrüň berseňiz, diňleýjileri şol wadalaryň hakykatdygyna we ýerine ýetjekdigine ynandyryp bilersiňiz hem-de olaryň ýüreginde minnetdarlyk duýgusyny oýararsyňyz. Wagyz mekdebinde öwrenen zatlaryňyzy ulansaňyz, bu maksada ýetip bilersiňiz.

Ýehowa adamlary ruhlandyrýan we güýç berýän Beýik Hudaýdyr. Eger onuň bilen «işleşsek», biz-de adamlary ruhlandyryp hem-de imanyny berkidip bileris. Şol sebäpli siz hem ýygnakda çykyş edeniňizde, dogan-uýalary ruhlandyrmak üçin jan ediň.

SEN Wagyz mekdebiniň ähli sapaklarynyň üstünde işlediňmi? Şeýle-de her sapakda berilýän gönükmeleri ýerine ýetirdiňmi? Nutuk bilen çykyş edeniňde, Wagyz mekdebinde ýa-da duşuşygyň başga bölüminde çykyş edeniňde we wagyz gullugynda şu kitapda berlen her maslahatyň üstünde işlediňmi?

Wagyz mekdebinde okamagyňy dowam et. Sen nutuk bilen näçe wagt bäri çykyş edýän bolsaň-da, käbir zatlaryň üstünde hemişe işlemeli bolarsyň.