5. Ýehowanyň dostlary näme etmeli?

Biz dost-ýarlarymyzda belli bir häsiýetleriň bolmagyny isleýäris.

• Dostlaryň seniň üçin näme etmegini islärdiň?

1 Ýahýa 5:3-i okap, aşakdaky sorag boýunça gürrüňdeş boluň.

• Ýehowa dostlarynyň näme etmegini isleýär?

Biz Ýehowa gulak asmak üçin gowy häsiýetleri öwrenmeli we özümizi alyp barşymyzy üýtgetmeli. Işaýa 48:17, 18-nji aýatlary okap, aşakdaky sorag boýunça gürrüňdeş boluň.

• Ýehowa dostlarynyň näme üçin gowy tarapa üýtgemegini isleýär?

Şu wagta çenli okuw geçip, sen Ýehowany gowy tanansyň, dostlaşansyň. Dostlugyňy hasam berkidesiň gelýärmi? Munuň üçin Ýehowany söýmeli. Sen Ýehowany näçe köp söýseň, olam seni şonça-da köp söýer, aladaňy eder hemem dostlugyň berkär. Sen Ýehowany söýmek üçin näme edip bilersiň?

1. Ýehowany söýmek üçin näme edip bileris?

Ýehowany söýmek üçin oňa gulak asmaly (1 Ýahýa 5:3-i oka). Hudaý hiç kimi gulak asmaga mejbur etmeýär. Hudaýa gulak asmalymy ýa-da asmaly däl, her kimiň özi çözýär. Ýöne Ýehowa ýürekden gulak assak, ol begenýär (Rimliler 6:17). Biz gorkýandygymyz üçin däl-de, söýýändigimiz üçin Ýehowa gulak asmaly. Kitabyň 3, 4-nji bölümlerinden Ýehowany söýmegi öwreneris. Hudaýyň halaýan we halamaýan zatlary hakda köpräk bileris.

2. Ýehowa gulak asmak käte näme üçin kyn bolup biler?

Mukaddes Kitapda: «Dogruçylyň derdi köpdür» diýilýär (Zebur 34:19). Biz bikämil, üstesine-de pulsuzlykdan, adalatsyzlykdan, başga-da kynçylyklardan kösenýäris. Eger sen hem şeýle ýagdaýa düşseň, Ýehowanyň aýdyşy ýaly edeniňden, özüňçe ýaşanyň aňsat bolup görünmegi mümkin. Kyn ýagdaýlarda-da Ýehowa gulak assak, söýgimiz artar, wepaly bolarys. Ýehowa wepaly bolsak, olam bize wepaly bolar, hiç haçan taşlamaz (Zebur 4:3-i oka).

4. Ýehowany begendir

Nakyllar 27:11-i okap, aşakdaky soraglar boýunça gürrüňdeş boluň.

• Paýhasly bolup, gulak assak, Ýehowa nähili täsir edýär? Näme üçin şeýle pikir edýärsiň?

5. Ýehowa wepaly bolup bilersiň

WIDEO: «Garşylyklara garamazdan imanyňyzy goraň» (5:09)

• Senem adamlara Ýehowa barada gürrüň bermäge çekinýärsiňmi?

• Greýson gorkusyny nädip ýeňdi?

Ýehowanyň gowy görýän zatlaryny gowy görsek, ýigrenýän zatlaryny ýigrensek, wepaly bolmak kyn bolmaz. Zebur 97:10-y okap, aşakdaky soraglar boýunça gürrüňdeş boluň.

• Geçen sapaklardan bilşimiz ýaly, Ýehowa nämeleri gowy görýär we nämeleri ýigrenýän eken?

• Ýehowanyň gowy görýän zatlaryny gowy görmegi, ýigrenýän zatlaryny ýigrenmegi nädip öwrenip bilersiň?

6. Ýehowa gulak assaň ýalňyşmarsyň

Hudaýa gulak assak, durmuşda ýalňyşyp kösenmeris. Işaýa 48:17, 18-nji aýatlary okap, aşakdaky soraglar boýunça gürrüňdeş boluň.

• Näme edenimizde gowy boljagyny Ýehowa bilýärmi? Näme üçin şeýle pikir edýärsiň?

• Şu wagta çenli öwrenen we hak Hudaý barada bilen zatlaryň haýsy ýagdaýlarda kömek etdi?

ESASY PIKIRLER

Ýehowany söýmek üçin oňa gulak asmaly, kyn ýagdaýlarda-da wepaly bolmaly.

Gaýtalamak

• Eýýup pygamberden näme öwrendiň?

• Ýehowany söýmek üçin näme edip bilersiň?

• Ýehowa nädip wepaly bolup bilersiň?

KÖPRÄK BILIŇ

Ýehowa wepaly bolmagy we doganlara gulak asmagy öwreniň.

«Wepaly adama senem wepalysyň» (16:49)

Şeýtan adamlara näme töhmet atdy?

«Eýýup wepaly galýar» («Mukaddes Ýazgylar näme habar berýär?» 6-njy bölüm)

Çagalaram wepaly bolup, Ýehowany begendirip bilýär.

«Ýehowany begendir» (8:16)

Ýaşlar nädip Hudaýa wepaly bolup biler?

«Deň-duşlaryň täsirine düşme!» (3:59)

Her birimiz durmuşda wajyp kararlara gelmeli bolýarys. Şol kararlar Hudaý bilen dostlugyňy ýa berkidýär, ýa-da gowşadýar. Meselem, nirede ýaşamaly, nirede işlemeli, durmuş gurmalymy ýa-da ýok, özüň çözmeli bolýarsyň. Ýöne dogry karara gelseň, bagtly bolarsyň, Ýehowany hem begendirersiň.

1. Mukaddes Kitap dogry karara gelmäge nädip kömek edýär?

Karara gelmezden öň, Ýehowa doga etmeli we Mukaddes Kitapdan Hudaýyň garaýşyny bilmeli (Nakyllar 2:3—6-njy aýatlary oka). Käbir ýagdaýlarda näme etmelidigi Mukaddes Kitapda anyk aýdylýar. Şonda Ýehowanyň aýdyşy ýaly etseň, onda ýalňyşmarsyň.

Emma Mukaddes Kitapda anyk bir zat aýdylmaýan bolsa näme etmeli? Ýehowa şeýle ýagdaýda-da «ýöremeli ýolumyzy» görkezýär (Işaýa 48:17). Nädip? Ol Mukaddes Kitapda käbir prinsipleri ýazdyrypdyr. Şol prinsipler Hudaýyň garaýşyna we duýgularyna düşünmäge kömek edýär. Mukaddes Kitapda gürrüň berilýän wakalary okasaň, Hudaýyň belli bir meselä nähili garaýandygyna düşünip bolýar. Ýehowanyň garaýşyna näçe gowy düşünseň, Hudaýyň halaýan kararyna gelersiň.

2. Karara gelmezden öň nämeleri göz öňünde tutmaly?

Mukaddes Kitapda: «Ätiýaçly adam her ädimini ölçerýär» diýilýär (Nakyllar 14:15). Diýmek, howlugyp karara gelmeli däl. Karara geleniňde şu soraglar hakda oýlan: Mukaddes Kitapdaky haýsy prinsipe eýermeli? Näme etsem ynsabym ezýet bermez? Gelýän kararlarym bilen başgalara gowy täsir ederinmi ýa-da erbet? Esasanam, gelen kararymy Ýehowa halarmy? (5 Musa 32:29).

Ýehowanyň bize nämäniň ýagşy, nämäniň ýamandygyny öwretmäge haky bar. Ýehowanyň kada-kanunlaryny, prinsiplerini bilip, şol boýunça ýaşasaň, ynsabyňy terbiýelärsiň. Ynsap — nämäniň gowy, nämäniň erbetdigini aýdýan içimizdäki duýgy (Rimliler 2:14, 15). Terbiýelenen ynsap saňa gowy kararlara gelmäge kömek eder.

SÖHBETDEŞLIK

3. Mukaddes Kitabyň maslahatlaryna eýeriň

WIDEO: «Mukaddes Ýazgylaryň prinsiplerine eýeriň» (5:54)

• Erkinlik näme?

• Ýehowa näme üçin adamlara erkinlik berdi?

• Ýehowa bize dogry karara geler ýaly näme berdi?

Geliň, Mukaddes Kitapdaky bir prinsipe seredeliň. Efesliler 5:15, 16-njy aýatlary okaň. Soňra... wagtyňy paýhasly ulanmak hakda gürrüňdeş boluň.

• Mukaddes Kitaby her gün okamak üçin...

• gowy är ýa aýal, ene ýa ata, ogul ýa gyz bolmak üçin...

• ýygnaklara barmak üçin...

4. Ynsabyňyzy terbiýeläň

WIDEO: «Ynsabyňyzy päk saklaň» (5:13)

• Bir uýa ynsabyny nädip terbiýeledi we Ýehowa ýaraýan karara geldi?

Näme üçin başgalardan soramaly däl-de, özüň karara gelmeli? Ýewreýler 5:14-i okap, aşakdaky soraglar boýunça gürrüňdeş boluň.

• Eger biz hemişe birinden näme etmelidigini sorap ýörsek, nämäni öwrenmeris?

• Ynsaby nädip terbiýelemeli we dogry karara gelmeli?

5. Başgalaryň ynsabyny göz öňünde tutuň

Adamlaryň gelýän karary birmeňzeş bolmaýar. Biz nädip başgalaryň ynsabyny göz öňünde tutup bileris? Geliň, iki ýagdaýa seredeliň.

1-nji ýagdaý. Aýdaly, bir uýa boýanmagy gowy görýär. Ol başga ýygnaga geçýär. Şol ýygnakdaky uýalaryň köpüsi boýanmagy känbir halamaýar.

Rimliler 15:1 we 1 Korinfliler 10:23, 24-nji aýatlary okap, aşakdaky soraglar boýunça gürrüňdeş boluň.

• Şu aýatlara görä, uýa näme edip biler? Eger seniň ynsabyň çatýan zada başgalaryň ynsaby çatmaýan bolsa näme edersiň?

2-nji ýagdaý. Aýdaly, bir dogan Mukaddes Kitapda spirtli içgileri içmegiň gadagan edilmeýändigini bilýär. Ýöne ol şonda-da spirtli içgileri içmeýär. Bir gün dogany oturylyşyga çagyrýarlar. Ol oturylyşykda doganlaryň spirtli içgileri içýändigini görýär.

Nesihat 7:16 we Rimliler 14:1, 10-njy aýatlary okap, aşakdaky soraglar boýunça gürrüňdeş boluň.

• Şu aýatlara görä, dogan näme edip biler? Eger seniň ynsabyň çatmaýan zada başgalaryň ynsaby çatýan bolsa näme edersiň?

Dogry karara nädip gelip bilersiň?

1. Doga et. Dogry karara geler ýaly, Ýehowadan kömek sora (Ýakup 1:5).

2. Gözleg geçir. Mukaddes Kitapdan we edebiýatlarymyzdan öz ýagdaýyňa degişli prinsipleri tap. Şeýle-de tejribeli dogan-uýalardan maslahat sora.

3. Netijesi hakda oýlan. Karara geleniňde öz ynsabyňam, başgalaryň ynsabynam göz öňünde tut.

ESASY PIKIRLER

Karara gelenimizde Hudaýyň garaýşyny göz öňünde tutmaly. Şeýle-de gelýän kararlarymyzyň başgalara peýda ýa-da zyýan berýändigi hakda oýlanmaly.

Gaýtalamak

• Nädip Ýehowa ýaraýan karara gelmeli?

• Ynsabyňy nädip terbiýelemeli?

• Nädip başgalaryň ynsabyny göz öňünde tutup bileris?

KÖPRÄK BILIŇ

Dogry karara gelseňiz, Ýehowa bilen dostlugyňyz berkär.

«Hudaýy şöhratlandyrýan karara geliň!» («Garawul diňi» 15 aprel, 2011)

Ýehowanyň halkyna maslahat berişi hakda biliň.

«Ýehowa halkyna maslahat berip, ýol görkezýär» (9:50)

Bir ýigide kyn hem bolsa, dogry karara gelmäge näme kömek etdi?

«Ýehowa goldajagyny wada berýär» (5:46)

Belli bir meselede anyk görkezme berilmese, nädip Ýehowa ýaraýan karara gelmeli?

«Her bir ýagdaý üçin kada-kanun gerekmi?» («Garawul diňi» 1 dekabr, 2003)