Sowally bukja

◼ Ruhy taýdan ösýän adam bilen näçe wagt okuw geçmeli?

Mukaddes Ýazgylar okuwyny geçýänler ruhy taýdan össeler-de, olar bilen «Mukaddes Ýazgylar näme öwredýär?» we «Özüňizi Hudaýyň söýgüsinde saklaň» atly iki kitaby-da geçsek gowy bolar. Hatda olar suwda çokundyrylsalar-da, kitaplary doly geçip gutarmaly. Hasabat tabşyrylanda, geçilen sagady, idegi we adam sanyny ýazyp bileris. Biziň bilen hyzmatdaşlyk eden wagyzçy-da, sagat sanyny ýazyp biler («Hudaýa gullugymyz» 2009 ý. mart, sah. 2-ä serediň).

Biz täze wagyzçylar bilen okuwy tamamlamankak, olar hakykaty gowy özleşdirmeli. Olar kynçylyklara döz gelip biler ýaly, Mesihde «kök urup», «imanda berkemeli» (Kol. 2:6, 7; 2 Tim. 3:12; 1 Pet. 5:8, 9). Şeýle-de olar başgalar bilen okuw geçip biler ýaly, «hakykat bilimine ýetmeli» (1 Tim. 2:4). Biz olar bilen iki kitaby geçsek, «ýaşaýşa getirýän... ýoldan» ynamly ýöremegine kömek ederis (Mat. 7:14).

Ýaşulular kimdir birini suwda çokundyrmaga çagyrmazdan öň, onuň Mukaddes Ýazgylaryň esasy taglymatlaryna gowy düşünýändigine hem-de şoňa görä ýaşaýandygyna göz ýetirmeli. Ýaşulular, esasan-da, birinji kitaby tamamlaman suwda çokundyrylmak isleýänlere has-da ünsli bolmaly. Eger kimdir biri suwda çokundyrylmaga taýýar bolmasa, onda ýaşulular onuň gelejekde talaba laýyk gelmegi üçin gerekli kömegiň berilmeginiň aladasyny edip bilerler («Ýehowanyň islegini guramaçylykly ýerine ýetirýäris» kitaby, rus. sah. 216—218).

[2-nji sahypadaky sitata]

Täze wagyzçylar hakykaty gowy özleşdirmeli