Biz Hudaýyň syryny bilýändigimize begenýäris

Kimdir biri saňa syryny aýdypdymy? ~ a Mukaddes Ýazgylarda «mukaddes syr» barada aýdylýar. Bu syry Hudaý aýdýar, şonuň üçin ol mukaddes. Oňa syr diýilmeginiň sebäbi, adamlar ol barada bilmeýärler. Hatda perişdeleriň hem syr barada köp zatlary bilesi gelýärdi. Sen hem şol syryň nämedigini bilesiň gelýärmi? ~

Gadym wagtlarda Hudaý ilkinji erkek adamy we aýaly ýaratdy. Olaryň atlary: Adam ata we How enedi. Hudaý olara Erem bagy diýilýän owadan öýi berdi. Eger Adam ata bilen How ene Hudaýa gulak asan bolsalar, olaryň özleri we çagalary bütin ýer ýüzüni Jennet ýaly owadan baga öwrüp, ol ýerde ebedi ýaşap bilerdiler. Emma Adam ata bilen How enäniň näme edendikleri ýadyňdamy? ~

Adam ata bilen How ene Hudaýa gulak asmadylar, ine, şonuň üçinem häzir biz Jennetde ýaşamaýarys. Emma Hudaý her bir adam ebedi we bagtly ýaşap biler ýaly ýer ýüzüni owadan etjekdigini aýdýar. Ol muny nädip eder? Adamlar köp wagt bäri muny bilmeýärdiler. Sebäbi bu syrdy.

Isa ýere gelende, adamlara şol syr barada köp zatlary öwretdi. Ol bu syryň Hudaýyň Patyşalygy baradadygyny aýtdy. Isa adamlara Hudaýyň Patyşalygynyň gelmegini dilemelidigini öwretdi. Bu Patyşalyk bütin ýer ýüzüni Jennet eder.

Sen syr barada köpräk bilesiň gelýärmi? ~ Jennetde diňe Ýehowa gulak asýan adamlaryň ýaşajakdygyny ýadyňdan çykarma. Mukaddes Ýazgylarda Ýehowa gulak asan köp erkekler we aýallar barada aýdylýar. Seniň olar hakda bilesiň gelýärmi? ~ Gel, olaryň käbirleri hakda bileli we olardan näme öwrenip biljekdigimize seredeli.