Hudaýyň Patyşalygy nämeleri eder?

Mukaddes Kitabyň jogaby

Hudaýyň Patyşalygy ynsan hökümetleriniň ählisini ýok edip, bütin ýeriň üstünden höküm sürer (Danyýar 2:44; Ylham 16:14). Şonda Hudaýyň Patyşalygy...

• Biziň ählimize zyýan ýetirýän zalym we özdiýenli adamlary ýok eder. «Erbetler... ýurtdan kesilip taşlanar, dönükler kökleri bilen ondan sogrular» (Nakyllar 2:22).

• Uruşlaryň soňuna çykar. Hudaý «ýeriň ujuna çenli uruşlary togtadar» (Zebur 46:9).

• Ýer ýüzüne abadançylyk we parahatlyk getirer. «Her kes öz üzüm, injir baglarynyň saýasynda oturar, olary hiç kim gorkuzmaz» (Mika 4:4).

• Ýer ýüzüni Jennete öwrer. «Çöl-beýewan we gury ýer şatlanar, çöl guwanyp, nerkes kimin güllär» (Işaýa 35:1).

• Her bir adama öz halaýan işini berer. Hudaýyň «saýlanlary öz elleriniň işlerinden lezzet alar. Olar biderek zähmet çekmezler» (Işaýa 65:21—23).

• Keselçiligi aýrar. «Ilatyň hijisi: „Men syrkaw“ diýmez» (Işaýa 33:24).

• Bizi garrylykdan azat eder. «Goý, onuň teni çaganyňky kimin täzelensin, Ol ýaşlyk döwrüne dolanyp barsyn» (Eýýup 33:25).

• Ölüleri direlder. «Gabyrda ýatanlaryň ählisiniň onuň (Isanyň) sesini eşitjek wagty ýetip gelýär» (Ýahýa 5:28, 29).