Aýatlary ýat tutmak üçin näme etmeli?

Size Mukaddes Kitabyň aýatlaryny ýatda saklamak kyn bolýarmy? Belki, sizi ruhlandyrjak, erbet pikirleri ýeňmäge kömek etjek ýa-da wagyzda ulanyp boljak aýatlary ýat tutmak isleýänsiňiz (Zeb. 119:11, 111). Geliň, aýatlary ýatda saklamaga kömek edýän käbir maslahatlara seredeliň.

• JW Library programmasynyň «Tema» diýen ýerini ulanyň. «Tema» diýen ýerde «Gerekli aýatlar» diýen bölümi döredip, ýat tutmak isleýän aýatlaryňyzy şol ýere goşuň.

• Aýatlary gözüňiziň görjek ýerine ýelmäň. Aýatlary kagyza ýazyp, gözüňiziň düşýän ýerlerine ýelmäň. Käbirleri aýna ýa-da sowadyjynyň gapysyna ýelmeýär. Başgalary bolsa aýady surata düşürip, kompýuteriniň ýa-da telefonynyň ýüzünde goýýar.

• Kiçi kagyzlary ulanyň. Kagyzyň bir ýüzüne aýdyň belgisini, beýleki ýüzüne bolsa sözlerini ýazyň. Aýadyň belgisine seredip sözlerini ýatlajak boluň ýa-da sözlerine seredip belgisini ýadyňyza saljak boluň.