Awit

24 Kay Jehova ang lupa at ang lahat ng naririto,+

Ang mabungang lupain at ang mga tumatahan dito.+

 2 Sapagkat inilagay niya ito nang matatag sa ibabaw ng mga dagat,+

At pinananatili niya itong nakatatag nang matibay sa ibabaw ng mga ilog.+

 3 Sino ang makaaakyat sa bundok ni Jehova,+

At sino ang makatitindig sa kaniyang dakong banal?+

 4 Ang sinumang walang-sala ang mga kamay at malinis ang puso,+

Siyang hindi nagdala ng Aking kaluluwa sa lubos na kawalang-kabuluhan,+

Ni nanumpa man nang may panlilinlang.+

 5 Magdadala siya ng pagpapala mula kay Jehova+

At ng katuwiran mula sa kaniyang Diyos ng kaligtasan.+

 6 Ito ang salinlahi ng mga humahanap sa kaniya,

Ng mga nagsasaliksik ng iyong mukha, O [Diyos ni] Jacob.+ Selah.

 7 “Itaas ninyo ang inyong mga ulo, O kayong mga pintuang-daan,+

At tumindig kayo, O kayong mga namamalaging pasukan,+

Upang makapasok ang maluwalhating Hari!”+

 8 “Sino nga ba ang maluwalhating Haring ito?”+

“Si Jehova na malakas at makapangyarihan,+

Si Jehova na makapangyarihan sa pagbabaka.”+

 9 “Itaas ninyo ang inyong mga ulo, O kayong mga pintuang-daan;+

Oo, itaas ninyo ang mga iyon, O kayong mga namamalaging pasukan,

Upang makapasok ang maluwalhating Hari!”+

10 “Sino nga ba siya, ang maluwalhating Haring ito?”

“Si Jehova ng mga hukbo—siya ang maluwalhating Hari.”+ Selah.