Awit

6 O Jehova, huwag mo akong sawayin sa iyong galit,+

At sa iyong pagngangalit ay huwag mo akong ituwid.+

 2 Pagpakitaan mo ako ng lingap, O Jehova, sapagkat ako ay naglalaho.+

Pagalingin mo ako,+ O Jehova, sapagkat ang aking mga buto ay nangangatog.

 3 Oo, ang aking kaluluwa ay lubhang naliligalig;+

At ikaw, O Jehova—hanggang kailan?+

 4 Bumalik ka,+ O Jehova, sagipin mo ang aking kaluluwa;+

Iligtas mo ako alang-alang sa iyong maibiging-kabaitan.+

 5 Sapagkat sa kamatayan ay walang pagbanggit sa iyo;+

Sa Sheol ay sino ang pupuri sa iyo?+

 6 Ako ay nanghimagod sa aking kabubuntunghininga;+

Buong gabi ay pinalalangoy ko ang aking higaan;+

Pinaaapawan ko ng aking mga luha ang aking kama.+

 7 Dahil sa kaligaligan ay nanghihina ang aking mata,+

Tumanda ito dahil sa lahat niyaong mga napopoot sa akin.+

 8 Lumayo kayo sa akin, lahat kayong nagsasagawa ng bagay na nakasasakit,+

Sapagkat tiyak na diringgin ni Jehova ang hibik ng aking pagtangis.+

 9 Diringgin nga ni Jehova ang aking paghiling ng lingap;+

Tatanggapin ni Jehova ang aking panalangin.+

10 Ang lahat ng aking kaaway ay lubhang mapapahiya+ at maliligalig;

Uurong sila, bigla silang mapapahiya.+