Awit

93 Si Jehova ay naging hari!+

Nadaramtan siya ng karilagan;+

Si Jehova ay nadaramtan—binigkisan niya ng kalakasan ang kaniyang sarili.+

Ang mabungang lupain din ay natatatag nang matibay anupat hindi ito makikilos.+

 2 Ang iyong trono ay matibay na nakatatag mula pa noong sinaunang panahon;+

Ikaw ay mula pa noong panahong walang takda.+

 3 Ang mga ilog ay naglakas, O Jehova,

Ang mga ilog ay naglakas ng kanilang ugong;+

Ang mga ilog ay patuloy na naglalakas ng kanilang dagundong.+

 4 Higit sa mga ugong ng malalawak na tubig, ang mariringal na dumadaluyong na alon sa dagat,+

Si Jehova ay maringal+ sa kaitaasan.

 5 Ang iyong mga paalaala ay napatunayang lubhang mapagkakatiwalaan.+

Ang kabanalan ay angkop sa iyong sariling bahay,+ O Jehova, sa kahabaan ng mga araw.+