2 Tesalonica

2 Gayunman, mga kapatid, may kaugnayan sa pagkanaririto+ ng ating Panginoong Jesu-Kristo at sa ating pagkakatipon sa kaniya,+ hinihiling namin sa inyo 2 na huwag kayong madaling matinag mula sa inyong katinuan ni mabagabag man sa pamamagitan ng kinasihang kapahayagan+ o sa pamamagitan ng bibigang mensahe+ o sa pamamagitan ng liham+ na para bang mula sa amin, na wari bang ang araw+ ni Jehova ay narito na.

3 Huwag kayong padaya kaninuman sa anumang paraan, sapagkat hindi ito darating malibang ang apostasya+ ay dumating muna at ang taong tampalasan+ ay maisiwalat,+ ang anak ng pagkapuksa.+ 4 Siya ay handa sa pagsalansang+ at nagtataas ng kaniyang sarili sa ibabaw ng bawat isa na tinatawag na “diyos” o isang bagay na pinagpipitaganan, anupat umuupo siya sa templo ng Diyos, na hayagang ipinakikita ang kaniyang sarili bilang isang diyos.+ 5 Hindi ba ninyo naaalaala na, noong ako ay kasama pa ninyo, sinasabi ko na sa inyo+ ang mga bagay na ito?

6 Kaya ngayon ay alam na ninyo ang bagay+ na nagsisilbing pamigil,+ na may kinalaman sa kaniyang pagkakasiwalat sa kaniyang sariling takdang panahon.+ 7 Totoo, ang hiwaga ng katampalasanang ito ay gumagana na;+ ngunit tanging hanggang sa maalis siya na sa ngayon ay nagsisilbing pamigil.+ 8 Kung magkagayon nga, ang isa na tampalasan ay isisiwalat, na siyang lilipulin ng Panginoong Jesus sa pamamagitan ng espiritu ng kaniyang bibig+ at papawiin sa pamamagitan ng pagkakahayag+ ng kaniyang pagkanaririto.+ 9 Ngunit ang pagkanaririto ng isa na tampalasan ay ayon sa pagkilos+ ni Satanas taglay ang bawat makapangyarihang gawa at kasinungalingang mga tanda at mga palatandaan+ 10 at taglay ang bawat likong panlilinlang+ para roon sa mga nalilipol,+ bilang kagantihan sapagkat hindi nila tinanggap ang pag-ibig+ sa katotohanan upang sila ay maligtas.+ 11 Kaya iyan ang dahilan kung bakit hinahayaan ng Diyos na mapasakanila ang pagkilos ng kamalian, upang mapaniwalaan nila ang kasinungalingan,+ 12 upang silang lahat ay mahatulan sapagkat hindi nila pinaniwalaan ang katotohanan+ kundi nalugod sila sa kalikuan.+

13 Gayunman, pananagutan namin na laging pasalamatan ang Diyos dahil sa inyo, mga kapatid na iniibig ni Jehova, sapagkat pinili kayo ng Diyos+ mula nang pasimula ukol sa kaligtasan sa pamamagitan ng pagpapabanal+ sa inyo sa espiritu+ at sa pamamagitan ng inyong pananampalataya sa katotohanan.+ 14 Sa kahihinatnan ngang ito ay tinawag niya kayo sa pamamagitan ng mabuting balita na aming ipinahahayag,+ sa layuning tamuhin ang kaluwalhatian ng ating Panginoong Jesu-Kristo.+ 15 Kaya nga, mga kapatid, tumayo kayong matatag+ at lagi kayong manghawakan sa mga tradisyon+ na itinuro sa inyo, ito man ay sa pamamagitan ng bibigang mensahe o sa pamamagitan ng liham namin. 16 Bukod diyan, nawa’y ang ating Panginoong Jesu-Kristo mismo at ang Diyos na ating Ama, na umibig+ sa atin at nagbigay ng walang-hanggang kaaliwan at mabuting pag-asa+ sa pamamagitan ng di-sana-nararapat na kabaitan, 17 ay umaliw sa inyong mga puso at magpatatag sa inyo sa bawat mabuting gawa at salita.+