ZEBADIAS

[Ipagkaloob Nawa ni Jehova].

1. Isang Benjamita, anak o inapo ni Berias.​—1Cr 8:1, 15, 16.

2. Isang Benjamita, anak o inapo ni Elpaal.​—1Cr 8:1, 17, 18.

3. Isang Benjamitang mandirigma na sumama sa mga hukbo ni David sa Ziklag; anak ni Jeroham na mula sa Gedor.​—1Cr 12:1, 2, 7.

4. Pamangkin ni Joab at pinuno ng ikaapat na buwanang karilyebong pangkat ng hukbo. Maaaring ipinahihiwatig ng kaniyang pagiging ‘kasunod ng kaniyang amang si Asahel’ na siya ang humalili sa katungkulan pagkaraang patayin si Asahel. (2Sa 2:23) O kung ang mga buwanang grupong ito ay inorganisa pagkamatay ni Asahel, kung gayon ay maaaring mangahulugan na ginawang tagapangasiwa si Zebadias sa isang pangkat na ipinangalan kay Asahel.​—1Cr 27:1, 7; tingnan ang ASAHEL Blg. 1.

5. Isang bantay ng pintuang-daan na kasangkot sa pag-oorganisa ni David ng Levitikong mga paglilingkod; anak ni Meselemias, isang Korahita.​—1Cr 26:1, 2.

6. Isa sa mga Levita na noong ikatlong taon ni Jehosapat, 934 B.C.E., ay isinugo upang magturo ng kautusan ni Jehova sa mga lunsod ng Juda.​—2Cr 17:7-9.

7. Isang lider ng sambahayan ni Juda, anak ni Ismael, na kasama sa mga inatasan ni Haring Jehosapat upang mangasiwa sa mga usapin sa batas.​—2Cr 19:8-11.

8. Ulo ng sambahayan ni Sepatias sa panig ng ama. Si Zebadias, na anak ni Miguel, ay nanguna sa 80 lalaki ng kaniyang sambahayan sa panig ng ama pabalik sa Jerusalem kasama ni Ezra noong 468 B.C.E.​—Ezr 8:1, 8.

9. Isa sa mga saserdote ng sambahayan ni Imer na kasama sa mga pinatibay-loob ni Ezra na buwagin ang kanilang mga alyansa ukol sa pag-aasawa sa mga banyaga.​—Ezr 10:19, 20.