Pambuong-Daigdig na Kampanya Upang Ianunsiyo ang “Malapit na ang Kaligtasan!” na Pandistritong Kombensiyon
Mamamahagi ng Espesyal na Handbill ang mga Mamamahayag ng Bawat Kongregasyon
1 Sa taóng ito, sa 2006-2007 serye ng mga pandistritong kombensiyon na gaganapin sa mga 155 lupain, magkakaroon ng kampanya upang ianunsiyo ang mga kombensiyong ito sa pamamagitan ng isang espesyal na handbill.
2 Dahil nabubuhay na tayo sa dulong bahagi ng mga huling araw, ang mga kombensiyon na nagtatampok sa ipinangako ng Diyos na kaligtasan mula sa napakasamang sistemang ito ay tiyak na lubhang makaaakit sa mga taong wastong nakaayon. Dapat silang mapakilos ng mensaheng ito na mag-isip kung ano ang mangyayari sa hinaharap. Upang mabigyan ng pagkakataon ang milyun-milyong tao na marinig ang mensahe ng kaaliwan at pag-asa, hinihimok ang mahigit sa 98,000 kongregasyon ng mga Saksi ni Jehova sa buong daigdig na puspusang makibahagi sa pag-aanunsiyo ng kombensiyon kung saan sila inanyayahan.
3 Ang mga kongregasyon ay bibigyan ng sapat na handbill upang ang bawat mamamahayag ay magkaroon ng hanggang 20 handbill. Anumang sobra ay magagamit ng mga payunir sa kongregasyon. Sa bawat kongregasyon, ang kampanya ay magsisimula tatlong linggo bago ang kombensiyon ng kongregasyon.
4 Iminumungkahing dalawin at bigyan ng imbitasyon para sa pandistritong kombensiyon ang lahat ng estudyante sa Bibliya at ang kani-kanilang pamilya, pati na ang iba pang interesadong tao sa teritoryo. Gayundin, hangga’t mayroon pa kayong suplay, ang mga handbill ay dapat ipamahagi sa bahay-bahay sa inyong iniatas na teritoryo. Dapat sikaping maipamahagi ang lahat ng handbill sa loob ng tatlong linggo.
5 Nagtitiwala kami na napakalaking patotoo ang maibibigay dahil sa puspusan at pambuong-daigdig na pagsisikap na ito na ianunsiyo ang “Malapit Na ang Kaligtasan!” na Pandistritong Kombensiyon. Dalangin namin na saganang pagpalain sana ni Jehova ang inyong pagsisikap na makibahagi sa pambuong-daigdig na kampanyang ito.